108 年全國語文競賽原住民族語朗讀【邵語】 國小學生組 編號 1 號
minu qa amalhaushin?

yamin Thau ianan latata wa kazakazash, izai a kazakazash thithu a lhanaz zain sa Thau mzai “ lhalhaushin ”. antu tataal sa suma wa thau, suma wa thau ianan sa lhalhaushin painan, mamzai antu tataal sa naam a Thau a lhalhaushin.

yamin Thau a lhalhaushin muqay isa turu a furaz, tatata wa kawash ya turuiza wa furaz, ya mukaktuniza sa pulalu Pudaqu, pulalu Pakpari, sa Thau a parhaway mutusi hudun mara sa mara’in a qaulh, lashpaat a mara’in a qaulh, numa mara sa maquliush a faaq, kmalawa sa lhalhaushin.

lhalhaushin kinalawa sa mara’in a qaulh, amaqa ya miazithu thuini a kawash a pinalhuiza wa pazay amathuaw muhiaw marutarutaw, numa muhiaw talikdakda malhinqalimasaz, mazashuqiza numa tauzukuzuku, ya infarin mapa’a’a’inur miazai sa lhmaushin. Thau kmalawa lhalhaushin numa lhmaushin, mangqtuqtu mzai thuini a kawash maqitan u’araan sa pazay, manasha sa isa thapa wa pazay.

ya pinudaquiza numa pinakpariza kmalawaiza sa lhalhaushin maqa sa thau amunlhaushin. mashtayza mapashuashual mushaiza malhuiza sa pazay, maqa shungkash ashrikusan malhuiza sa pazay, antu mani miaqay isai lhalhaushin. ya muhiaw mukaktun malhuiza sa pazay shduuiza itauniza lhmaushin. muqayza sa suma ya niwan tu ukaktunin malhuiza sa pazay, indahipan sa suma kaidaa malhuiza sa pazay. numa ya mashtayza ya minalhuiza pazay pashtayza mutaun numa isaiza lhalhaushin.

lhalhaushin a manshirshir mashtay thmikthik sa mashpalhumpun a ribush, numa shilaunan azazak parhaway tuqatuqash masa binanau’az. mashtay iutu, mashtay kmathu apaquhan sa qilha, kahiwan mashtay ianan sa shiniqalhiwan a rusaw ianan sa pinukaizu’an a rusaw, mashtay kmathu sa qashay, zain thau tikuun, pisain lhalhaushin a shirshir, kmalawa sa ainuz, numa pu’iutun izai tikuun pintata sa rusaw, paquhan sa qilha. ya itia sa pinatiqtu a lhkaribush ansuunin manasai lhalhaushin a shirshir,  pisain apuy pasansan, mashtay iutu kunsuun kmaan.

pashtay thau az’az matingqaran malhalhinuna, mududur a thau isai lhalhaushin a manshirshir, az’az thau mitalha amalhaushin.

108 年全國語文競賽原住民族語朗讀【邵語】 國小學生組 編號 1 號
為什麼要盪鞦韆?

邵族有一種習俗叫做「盪鞦韆」,不同於別族。

每年三月,做過PudaquPakpari祭典後,邵族的年輕人會上山去取竹子和肉藤來製作鞦韆。

鞦韆用大竹子搭建,因為今年種下去的陸稻會很快結穗,像竹子那麼又大又高、結實壘壘,隨風吹拂時,就像在盪鞦韆一般。邵族人搭鞦韆和盪鞦韆是希望今年的稻子豐收。

做過PudaquPapari祭典後,會把鞦韆搭好,出發去播種陸稻。若是有人播種較慢,別人也會去幫忙播種,等全部都播種好,所有人會回家,一起在鞦韆場盪鞦韆。

所有人會聚在那裡,帶來下酒的食物,以前各家都有烘乾的魚和醃好的魚醬,大家帶著叫做tikuun的鍋具,放在鞦韆場旁邊煮魚做下酒菜。若有獵捕到山禽就集中到鞦韆場,燒烤供大家一起享用。

大家興高采烈地談天說笑,在鞦韆旁排隊等著盪鞦韆。

文章資訊
文章年度108
文章編號1
文章組別國小
文章語別邵語
族語標題minu qa amalhaushin?
漢語標題為什麼要盪鞦韆?
文章作者簡史朗
漢語摘要