108 年全國語文競賽原住民族語朗讀【宜蘭澤敖利泰雅語】 國中學生組 編號 5 號
cngusan maku mtiyaw

cngusan maku mtiyaw babaw nya ga, aki caku thoyay mkura mtiyaw mrhuw psba biru. baha mcwa aring caku la’i cikuy lga, tehok te pitu ryax hngawan lga mlu caku yaya mu maras biru musa kyokay, mosa caku psba la’i cipuy nicyogako. texan maku yaya mu kryax, cyu crux gleng c’oli psba m’was ru trahuw lalu yaba Utux kayal. iyat ga psba myugiy la’i. texan mu kwara la’i haca, pungan naha ci ke cyu crux gleng psba ke Utux kayal yaya mu. m’es calay kwara r’yas naha trahuw m’was Utux kayal. nanu yaca sliy mu calay yani kya m’es r’yas naha trahuw. aring kya lga t’aring mhtuw nanak lungan mu la, smoya caku mcrux gleng c’oli psba kmayan biru. n_gyut n_gyut caku mrkyas lga, ba’un mu calay lokah ci lungan maku mnglung mosa maki gleng c’oli, mtiyaw psba kmayan biru hani ga sliy maku calay ptyawun. nanu yaca aring caku hani lga posa caku ci lungan aki caku mngiyat ru lokah m’was biru kryax. babaw nya ga aki cu thoyay maki piying maku mkura cngusan maku mtiyaw hani. baha mcwa kwani ga aring caku la’i cipuy lga siy kaki kryax cahuy lungan maku.

maki utux ryax ga ba’un yaya maku lungan mu la, kyalun caku nya yaya mu maha, “ Ipay, mosa su m’was biru ga klokah mita biru ru lpuw biru, pungiy ke mrhuw psba biru su, iya calay m’elang ki! aki su thoyay mulu myasa ptyawun, aki su ble m’yanux babaw nya. ”

nanu yaca aring caku mung ke knayan cu nya yaya mu lga, cngusan maku mtiyaw mrhuw psba biru la’i cipuy hani ga, lokah calay tgamin maki cahuy lungan maku. mtiyaw psba biru la’i cipuy hani ga cngusan maku mtiyaw cahuy lungan maku, kwani ga bsya calay cnyan mu lungan. ulun su yaya mu waya cu nya slokah kmayan, aring la’i cipuy lga texan mu royi yaya mu psba m’was la’i trahuw Utux Kayal ru psba myugiy la’i.

lungun mu cngusan maku mtiyaw psba biru la’i cipuy hani ga, m’es calay lungan mu, babaw nya ga aki maki cngusan na la’i mu uyi, aki psulung kinang smoya mtiyaw mrhuw psba biru la’i cipuy. sba’ay ta kwara la’i cipuy na Tayal, aki kba mtiyaw, aki piyux ba’un naha. sba’an ta m’was biru kwara la’i na Tayal ga aki thoyay myasa knxan naha babaw nya.

108 年全國語文競賽原住民族語朗讀【宜蘭澤敖利泰雅語】 國中學生組 編號 5 號
我的志願

我將來的志願是當老師,因為從很小的時候,就跟著母親到教會參加主日學校,看著母親站在小朋友面前教唱詩歌或舞蹈,那些小朋友開心地聽著站在前面講述故事的母親,臉上都帶著笑容,我很喜歡那樣的感覺,從那時起,想站在人前講授故事的想法便在心中萌芽。我把這感覺放在心上,希望能夠激勵自己更認真讀書,將來才有能力往這個目標邁進。 

而母親也告訴我:「在學校要認真唸書、聽老師的話,不可以懶惰!將來才會有好的工作,生活也才會美滿。」聽完了這番話後,我更加篤定想當老師的決心。

文章資訊
文章年度108
文章編號5
文章組別國中
文章語別宜蘭澤敖利泰雅語
族語標題cngusan maku mtiyaw
漢語標題我的志願
文章作者朱愛美
漢語摘要