朗聲四起

“ ljaulajk! manu inuan a su pudek? ” na sekeljang azua na mavali sa kaljukai a pacacikel a teralj na sapui, azua se paipaipai a kakaka na sepapacun ita mudingan ni Uking, matu izua kinemenemenemen a pini varung nimadju, “ ka izuanan itjen a na kemaizua i gadu, matu na kidjulat itjen ta qipu ta kadjunangan. ” na seqadilj a pagalju a cemiljik ta lima timadju, sa igeregereger a lima a temulek a paljia cadja a kadjunangan, “ ka sicuayan nu sipualjak itjen a caucau, sualapen a tja pudek, sa cevelji a pi gidigidi ta umaq a kadjunangan, a su sikatacekeljan sipiliq sun tana sedjaljep, ana bulai a kaizuan, sa su katevelj a mumalj katua kadjunangan. ” avan a sekipaqenetjan na ramaljemaljeng tazua kinaizuanan a umaqan.

azua pudek pakasizuazua ta kina a aljak a temavelak ta sikavaljutan a paridiu. nu i tjiyalj anan ta kina, aljak na kina aya itjen, nu lemdau sa tjekacauan anga, cemikel a mumalj a kitapulju ta kadjunangan. a su pudek pakiumaljen anan sun a temulu a pakicaquan, autauta papaulingaven sun a kemasitucu, tu uri pakasinu sun ta su sikavaljut a paridiu.

zua za tjaucikel a namaitucu, qadjau ki paqulid ki sinisan taliduan? “ nu na matjani inuan a su pudek, kiavan izua su tagiljan a qinaljan.” aya ramaljemaljeng. ayatua kasicuayn, sipualjaljak itjen i qinaljan, lemedau itjen i tjumaq.inika tjen sisalizuk a pualjak. a masanitalj a patarevan:” inika tjadrudraven a atja tjumaq, a tja kinasizuan .” aya pazazekatj a ramaljemaljeng. tua tja sikipaqenetjan tua tja sikatacemekeljan, tua tja sikataqaljan, tu senema sun a caucau.

qau, azua sinan papunadanan tua tja mareka tja kaka uqaljaqaljay, a vavayavayan:” vetjek”,”ngedruq” aya. nu u varungen a kigalju, masa avan a matu tadjalan a pudek a cinurucuru, sa ngedruqi nua tja kina.” aya en a kinemenem.

tuki pacengeceng a patarevan, tuki u vinarungan a macidilj. saka ki tja san taliduani anga maljavaljavar itjen.

「孩子啊，你的臍帶在哪裡？」Uking的臉上映著因被風吹動而搖曳的火光，晃動的影子讓他的神情顯得若有所思。「在山上生活的時候，好像才有踩在土地上。」

他有點吃力的舉起手，颤抖地指向遠方。「以前我們小孩出生的時候，會取下他的臍帶，就埋在家屋旁邊的土地裡，你的家人會為你挑選一個適合而美麗的地方，重新讓你和土地連接。」老人家回憶起那片家園。

原來，「你的臍帶在哪裡？」想問的是，你知道你是靠什麼長大的？