朗聲四起
ka sicuayan a tja kakudan, numakakiivaqu izua tja sinan pazangal a palisiyan, mavan azua masalut. pumaljimalji tua tja cemas ti tjagaraus, satjekana pulami puvaqu tua tja sikavaljut aya patarevan nuaicu a pupalisiyan.
nu sangasangasan a qadau ta masalusalut, kayumaq a taqaljaqaljan a mapuljat a qemavaqavai, cemuljuculju. na venauwa uta a tacekecekeljan. nu izua mangetjez i tjanuitjen, tja patekelan ta vinauwa, tja sikit ta qavai a pasedjalu.
nu sikasanmusalj a qadau, pumaljimalji, kisukup ta cemas, patjevuta tua kavaquan, nukemesa ikamaqati sedjelj a kavaquan, ta pataudan ta sicaviljan a kinivaqu. nuikatjen a pasusu pinaka palisi nua ramaljemaljeng. izua tulu na ramaljemaljeng tu penaula itjen tua tja lami a vaqu, aicu a kemasi ta tjemugut patje kivaqu, tja kinedrengan tja kinaluljayan aravac! aicua tja lami a vaqu, tja sinan pazangal a kemasicuway. tazua qadaw patjavang a pipaljing tua kavaquan, vutjulj, qavai, vauwa. mangtjez a malada a kemapalisi a seman nanguq tua tja cavilj.
nu sika masantjelulj a qadau, ljaki vuluvulung katua kakedriyan. savid a na kipaqulid a mitung a kialalang tua kinacalisianan! maqepuqepu itua mazazangiljan a kasasavan, parutavatavak a masasenay a maqacuvucuvung. tazua nu zemiyaziyan i katuruvuan, izua mazazangiljan, izua kalayngan a papapilipiliq tua tjalja valeljeveljan a vavayan. kitekelan a pakata langalj. aicua namaitucu a kakudan nu masalusalut paseketj aya, na temalidu aravac!
nu sika masan simatjelj a qadau, malada penaljing a kemapalisi uta, kiqaung kisukup tua cemas a papuluqem, tu na suljivat itjen a taqaljaqaljan. nu sikalimalj anga qadau, vilivililjan anga mavesuang aya, tazua maqati anga qemaljup, maqati anga qemuma. patagilj anga uta vaquan a cavilj.
以前，每年小米收成後，為慶祝豐收以及酬謝祖靈眷顧，將舉行盛大的祭典，稱收穫祭。第一天，家家戶戶包小米糕、殺豬、釀酒，大家互相道賀。第二天是祭小米謝神的日子，由女祭司到每一家作法祈福，中間會進行「送情柴活動」男生以此傳達情意。第三天，不分老少大家盛裝打扮，聚集在頭目家的廣場即興做詩、唱歌跳舞。第四天，女祭司會到每一家祈福。第五天，收穫祭的禁忌解除，可以打獵及外出耕作。