朗聲四起
tucuanga a caucau nuri papungadan tua ta tjausiledau a lumamad, tjarainika pakapazangal. ayata ljiavavau anga tinakesi, liau anga a kingljang a vecik. utauta izuanga macaqu a pacun a semupu tua tja ungmi tucu, sipiliq itjen ta tjaljananguaqan a urisipusepi angadan, avanusika aicu a pairang madjulu a papungadan ta lumamad. ljakua tjitjen a sekacalisian liyau aravac a tja kakudan a pakata papungadan, selapai itjen a sepaiwan.
ayatua maretjimaljimalji a qiniladjan i qinaljan, nu papungadan inika manu kina kama katua cemekemekelj a penenetj ta ngadan, mavan a mamazangiljan kata mareka cunguljan a maljavar, qau nu pinakasedjaljep avan azua sipapungadan anga. inika maqati a kitjuvarung a papungadan a paqeteleng ta tjausipualjak a lumamad. na semamalji aravac lja!
sakapai tjapacunai a sepaiwan tuki kemudangata nu papungadan ta tjausipualjaljak a lumamad. na masanmusalj a kakudan a sipapungadanan na sepaiwan.
a sangasangasan seljudjen a ngadan na sevalitan, nu papungadan, tinevelje a ngadan na caucau katua ngadan na cekelj, pitjaivililjen a ngadan nua cekelj ta ngadan na caucau, a sepaiwan katjengadanan a ljemita cekeljan. a ngadan na cekelj kemasi ta kinalingdjeljan na umaq, sinipukeljang tua tacekecekeljan, avan a tjasipualangan tu na ljayima zua aljak.
a sikasanmusalj avan a qinati a vaquan a ngadan, pasusuan a pinualjakan a qadau sa papungadanan, ljakua inika tjuruvu a namayatucu a sipapungadanan.
aicu a pinaka ti dripun a ngadan, kasipualjak mangtjengtjez a dripung, pai papungadanan tu ti dripun. a ti gadu a ngadan, sinipualjak i gadu, qau papungadanan tu ti gadu.
na temalidu aravac a sipapungadanan nimatja paiwan.
排灣族因階級分明，名字不是家人可以自己決定的，而是由部落頭目和家族一起討論。大家認為適合嬰兒的身分後才能命名。
排灣族名字的選擇方式通常有兩種：（一）取自祖先流傳之名。（二）新創之名。命名也有兩種禁忌，（一）不可以和父母親或兄姊取同樣的名字。（二）平民不能以頭目家系流傳的名字為其子命名。