朗聲四起
bale’ yuyuk ka hiya’. unruṟux ka sinunux ni, tagicun ni mahur na sinyuw matanah, maturus nak karuma, humuku’ maskakiy. utux nak taxan ka roṟi’ ni. ini’ min ba’i ci buliuṟ ka roṟi’ ni, hirelan min ci maṟitux ka hiya’. taxan min nel mukrakes la ga mama’ min matatalang masugagiy. mapuri’ min kumaṟal maha:“anel ka amutux la wa!”mi cami. mung ka yaki’ Temi ga abs ini’ pa’as. sicugun min ni na huku’ ni, kani ka kanguyun min caṟung .
ungat la ising rali’ hang. muxal ka ci’uli’ ga, nel turingun na bexuṟ sun na nabkis. as ka musa’ pahuk yaken Temi. hiya’ ka ising min alang Plngawan. as ka musa’ pahux hiyan. kumaṟal ka yaki’ Tami maha:“ moka moh tunring sinang hani ga tanmoṟow su’ lakwaṟal moh maramat sinang ma.” yonani ga as ka sipahuk yaken Temi. hiya’ ka ba’ pa’aras ci ke’ lahan.
tutux, muxal ka tunux mu. maras ci tutux susuk aguw lu tutux inapan na asinuw ka yaba’ mu, rasun ci ni pahuk . mabilbil cu sunsul yaban, tehuk min balihun ni’ “ oṟ~nel su ṟik ga?” “ isu’ Wan?” as ni’ ba’i mung ka inoh ke’ ni’ yaba’ mu. maṟuk min moṟow ṟik ga, ini’ pilaw ci renki’ minnakung ka moṟow ṟik ni. bale’ matatama’ cika syaw na ṟahka’ malah ka yaki’ Temi. “babah su’ Wan” ma, “nel taringun na behuṟ ka ule’ mu hani wa!” mi yaba’. “wah! wah! wah! tatama’, tatama’” ma. tala’ing cu bukuy ni yaba’, bali’un mu matox ka yaki’ hani, kinramasan taxan lu masinhayuw ka inoh na ke’ ni’. malalahaw caṟung uṟi. hunco’ tiralon ci amutux na uiule’ ka yaki’ hani? maku’ cunak masaṟux matox yaken. tapehun cini’,“ awah matatama syaw mu me’” ma. cumuy ci aguw syaw na ṟahka’ ni, lu abun ni ruma’. magal ci yuyuk na buli’ lu kahuni’ cinlingun. saringun cini tunux nanu hi’ humuk. ini’ mu ba’i mung ka ke’ ni, tagit papohpoh ka ngawa’ ni. yona cel sumecuw ci anamol, masu’ pastapok ci aba’ ni’ la ga mahnguw la. sahya’un ni’ ma’abu’ ka tahaṟ na aguw lu kumaṟal maha’:“lakyutas ni wa.”“ ux!” ma ka yaba’. masu’ magaluw ma’abu’ tutux kopu laga, magiy min la.
巫師不僅只是通靈者，還是神的代言人，部落舉行祭儀時需要巫師來與祖靈及各界神祇溝通，族人遇到生活難題如生病、惡夢、人際關係問題等，也都會來找巫師幫忙解惑，因此巫師必須仰賴長期的學習，並在生活中屢度難關、累積生命智慧才得以承擔重任。請神、請示、送神時所使用的咒語、法器使用方式、祭儀的程序等等。透過她和祖靈的神祕對話，祖靈也就安靜地回到靈界，族人也就得到安慰和紓解，在早期的部落有著舉足輕重的地位。