朗聲四起

adiyu diya na Piniyumayan tu sinasalem na akanen mu, mau na dawa, kalumayan, vurasi, vu’ir di uma’i diya, mau nanta kinavaawan a saruma’enan. kana kurelrang muvalivalis da kakuwayanan mu, ulra lra pinaraharahan na Koba walrus di. na dinekalranan lra mu, kurelrang semalem da valikuway, kana maremicima’ nu semalem ta valikuway kema di. likudan lra miturus ta diya kana Nokay semalem da re’a, palru harem kana ulra i Kayloziyo na micepa remekedang sumukun kana sasaleman, tu ipatalratalram na micepa diya kema mu, inta kani i Valangaw ta pinidare’an lra na wari lra, mau nantu kinarepauwa semalem da kiday kema.

kemay kanidu lra na Nokay micepa semasukun i dekadekalr da naniwanan di cacima’an da kiday, kana kipanadanadam lra kantu kakirungecan da sasaleman mu, pureha lra ra’emec kikarun datu sinaleman da kiday.

nu semalem ta da kiday mu, putayhi ta, lralrepit ta diya kana calunan, di pucacemer ta diya, di nu ’aremeng mu, mukuwa ta diya puvuwa’a kantu ’apuc, kemaysayasaya ta cemavu. salaw kauleulep nahni na kiyakarunan. aymu, nu saya ’ami maruwa ta parepuwan kiyakiday meniwan, kana micima’ nahni na sinaleman, di maramucima’ kana duma na sinaleman diya di, maruwa ta paka’inava data inuvaawan i ruma’, di marekakaduwan lra na mikiyakarunan kana kiday. harem na kiday mu, salaw pakamelri kanta i Valangaw, na muwa’uma diya ta mauwan mu, kaduwan lra na semasalem da kiday.

na patalram diya mekan kana kiday mu, adi kaadi marengay da “ pauwa ” kema. kemay kanidu lra marekakaduwan lra na cau sahar duwa kani valangaw cemima’a da kiday di mulihu lra na kiday, nu duwa diya na mudadangi i Valangaw na cau mu, adikaadi patalram mekan, di mau lra nantu ipaka’inava na omiyagē ini na kiday.

anu miwari u mu, kadika lra udadangiya kani i Valangaw maw!

早期卑南族有小米、陸稻、蕃薯、芋頭、樹豆等農作物，是經濟來源；時代改變及糖廠設立後，種甘蔗，接著也種植了鳳梨。近幾年，改良場研發出釋迦並成立釋迦產銷班，族人接受技術訓練，積極種植釋迦。釋迦需要施肥拔草、噴藥授粉、及包裝釋迦等工作，過程辛苦，卻能收成兩次，濟效益非常高，不但改善家庭生計，也造就族人就業機會，釋迦已成為台東特有的農產品。族人細心經營管理後，釋迦不但肉質飽滿，口感香甜。嚐過的人都稱讚。