朗聲四起

na cinapa a dawa, kemay awac diya mu, mau na kinakuwa da pakaareked da dadek na mialrak kema.

kana kurelrang muvalivalis da kakuwayanan, na cau lra mu, marekamianger lra da taranapawan kantu dadekan da aekanen di, marekakaduwan lra na misaharan maya’ da kaliwlran na aekanen kantu tinusiyaw na Yēncumin.

nantu dinadaway na inaakan na Yēncumin mu, puremiturus kana haremanan tu kinasaharan da liwlran di inasalr diya pakavulavulay cemavu, meredek kana wanglu di na menaniwan diya mu, marekakaduwan lra na padulu cemima’ di, marekamulihu lra.

na kaadu i dekalr diya na dawdawan mu, marsahar kana tinareawac tu liwlran, marayas pacepa kana kavangavangan di nu kasaharan mu, temusiyaw da tu ipakaimaran na marekamelrimelri na tinaraawac da aekanen. ulra na vurasi, na kinaveras, na pinalupuk, na ’inalidi di na dawa diya. nani na tatusiyawan mu, maresadu na kemay calun, ulra na sinaleman i dekalr na adi pinuwayan da pacemel.

na miaalrak na vavayan i dekalr mu, nanta temuwamuwan diya madalram lra kemuda pakamiisi da susu, patalratalram datu paaekanen, mau lra idu na cinapa, palru harem mawmau ini na cinapa uniyan diya da tiyam menaniwan.

ini na dawa kasaduwan tu vangavangan, piya ta mare’ani pakadaw ta diya, kana makaud da mulanak na cau adiyu diya tu limingling diya pacapa di, maruwa lra mased, adi muraranak di ulra diya tu ngulringlran kema.

nu daderu ta mu, ta puwayan da danum pare’uli kana lramlram di saeman na veras di karuwa pakalralrikic di, ta puwayay lra likudan na rinungun.

nu masemak lra mu, marekasadu lra, semalra adi ta papuwa sadu kana rinungun nu demaderu ta, mau ini na cinapa tu liwlran na pakaimaran a!

烘培小米是部落被認定為最佳之食補。由於時代的變遷，人們對於「養身之道」更重視與講究，對於追求原住民料理原汁原味的人也越來越多；除將食材改良外，包裝也越來越精緻化。

部落的耆老們，喜歡用傳統方式來料理出豐富、多元、可口的風味餐，如蒸煮地瓜、糯米飯糰、月桃粿、竹筒飯、小米等。所有菜餚素材取之於野外採集的有機農作物。部落婦女生產時，老祖先為讓產婦增加乳汁來餵哺嬰兒，特別研究產婦特殊的食物，即「小米鹹粥」。