朗聲四起

Haiza dau qabasang dadusa mapusasaksak tu bunun, tatini a bananaz, tatini a binanau’az. Minkahasul dau aingka tamakasu ki bunun. Haiza tu tas’a qanian, munhaan aingka Diqanin makisaiv i sintauqumis i Diqanin. Kahaanin diqanin hilav a, tupa dau ka sasaipuk hilava ta tu, “ Simaq muu na kilimun? Malka ma’aq amu mun’iti? ” Antalamun dau intaa tu, “ Na siza ki sintuqumis i Diqanin. ” Tuza dau ka sasaipuk hilava mungkunbu suku ki diqanin siza sinsaiv Diqanin tu sintauqumis.

Maaq dau ka mapusasaksak bununa inata luluklas i sasaipuk hilav ta tu “ Kavavaa!” Asaun intaa makusia inaita qalinga mapuliva sasaipuk hilav ta is’aang. Miliskin dau aingka tu lauqu na siliva aipa mastaan masihal tu sintauqummis isaiv intaa. Tuza dau tu ’minsanama’az a sasaipuk hilava, silalivaun istaa ka biqi siin kaunul siza. Saduan istaa ka, na musuqais mahuvaiv siza ki i mamantuk tu sintauqumis. Amuqus tinsuku’in dau ka hilav sukua.

Tupa dau ka sasaipuk hilava tu, “ Silalivauk muu ka sintuqumis Diqanina siza. ” Tinsuu dau ka mapusasaksak bununa antalam tu, “ Tupa dau ka Diqanina zami tu, ’nitu kua siza ki sinsasaiv sasaipuk hilav bunun ta. ”

Kamimisqang haan daan a, mavia dau ka binanau’az a tu talbiqian a mumudan; maaq dau ka bananau’aza a, tangkaunulan a kaav bungu. Na suqaisun intaa ka siniza intaa tu biqi siin kunula a. Tupa dau ka sasaipuk hilav tu bunun tu, “ Aupa pinsama’azun aak muu, silaluan amu zaku tupa tu nitu kua siza ki sinaliva’un siza tu sinsasaiv. Mahau daingaz a Diqanin zaku, sisuqaisun istaa ka hilav tutua, saqdilan Istaa ka hilava masuku. Nii aak maqtu munkunbu’ suku ta. Tupa dau ka sasaupuk hilava tu ” Paimuavin a biqi siin kunul un!”

從前有一男一女到天門要騙取天神給祝福。看門的就進入天的府庫拿賞物。兩個騙子不停地嚷嚷，想要弄亂他的心，以此拿更好的贈禮。果不其然拿成脖子上的肉瘤和頭角上的凸瘤，要回去更換贈禮，府庫的門關上。看門的對他們說：「我把贈禮拿錯了。」騙子馬上回答沒有關係，誤以為拿了更好贈禮。

半路，女子脖子上長出條狀肉瘤，男的頭角上長出凸起肉瘤。他們要還回去，看門的說：「你們誑騙，天神發怒，把府庫的門關上，肉瘤就給你們！」