朗聲四起

Lubug Truku sbiyaw o niqan lubug qawqaw, mgagu, lubug qnawal ni lubug tatuk 4 keelgan.

Tg1 lubug qawqaw

Lubug qawqaw Truku ka ska o niqan lhpis bi btaw snalu djima ni psaan lhpis bi btaw tnpaqan snalu xiluy embanah 2 keelgan, kiya o lubug qawqaw sun.

Lubug qawqaw snalu djima ka btaw na o kika prajing bi enseuxal lubug qawqaw Truku. Sbiyaw balay ka risaw ni wauwa Truku ga lmubug qawqaw empprngaw dha quri niqan lnglungan txaun ni nirih rmngaw kari txaun, kiya o lining kari aji uri o pnskraya empprngaw. Qtaan ta paah saw nii, aji wana jiyun lmubug muda mqaras ka lubug qawqaw, plglug lnglungan rgrig, lubug jiyun quri msskuxul uri. pshnang o psaun pdhung ka lubug qawqaw ni pshngak miyuk muda lmnglug lhpis btaw snalu djima.

Tg2 lubug tatuk

Lubug tatuk o kingal malu bi lubug Truku, snalu qhuni sangas, prihut, qulit, byugu, plux, rbuqil ni dgarung. Rmabang bi msleexan mripuh bhangan hnang na ka qhuni prihut, mkndux bi bhangan ka qhuni rbuqil.

Sbiyaw balay mnniq ska dgiyaq siida ka kngkingal sapah rudan Truku o niqan lubug tatuk dha kana, qulung gbiyan mnhdu qmpah dhuq sapah  do, tmatuk lubug tatuk ni ptrawah lnglungan dha, kana alang o hnang lubug tatuk kana, kiya duri ni kana yyayug o mdka saw paru bi qmpringan ga mseupu tmatuk lubug tatuk, suyang bi bhangan hnang na, tmatuk lubug tatuk o kmeaguh lupung miyah mseupu mkan suyang uqun ni mseupu rmgrig.

Tg3 mgagu hadur

Mgagu hadur o snalu kulaw djima, ini tduwa psmhtun miyuk,wana djiyun miyuk mnsa mdkrang mnangal tunux ni tmnegiyal miyah dhuq alang, mqaras miyuk mlatat alang ka msapuh musa smtrung msa ka kari rudan sbiyaw.

Tg4 lubug qnawal

Qcinuh ka ttmaan lubug, 4 qnawal embanah,. dmuuy snalu qhuni mdka quway sslubug, lmubug suyang bi bhangan hnang uyas Truku sbiyaw.

Qrasun bi kana ptasan tgska ni tgbilaq gaga alang Truku, emptgsa laqi o dmudug bi dduuy lubug tatuk tmgsa uyas Truku sbiyaw.

太魯閣族人的樂器有口簧琴、縱笛俗稱獵首笛、絃琴及木琴。說明傳統樂器的材料及使用方式。值得高興的是，部落裡的國中、小老師都在推動用太魯閣族的傳統樂器彈奏太魯閣族傳統音樂。