朗聲四起

gaga na kinbkisan ta sraral qaniy ga, musa ta baqun balay mlahang ini ga musa mciywaw ga? musa ta baqun uziy mciywaw na ska qalang ta ga? ana ga anay ta skahul knita ita llaqi Tayal musa mblaq lmnglung.

nyux smbil ke bnkis ta mha, “ ana su musa n’ inu, blaq mita nanak qu pinhkngyan ru laxiy yungiy qalang, buziy qu gaga qnxan ta Tayal ”, nyux ta sm’ utux squ bnkis uziy, nway ta nya blequn mlahang, laxiy balay yungiy sinbilan ke na kinbkisan ta.

te qutux. laxiy syaqih yaba yaya, smyaqih yaba yaya ga, phugun utux na bnkis, ini kblaq mqyanux uziy, mhuqil yaba yaya lga, musa yaqih kwara tmninun qu llaqi kinbahan.

te sazing. mung ke na qbsuyan ki bnkis ga, mqas qu utux bnkis, musa su meblaq mqyanux uziy.

te cyugal. glgiy qu tuqiy qnxan ta Tayal, ini ta glgiy la ga, musa mtkari ru yaqih qnxan ta la.

te payat. laxiy apal, laxiy hmut hmeriq gaga qaniy, baha hmswa psaniq na ywaw.

te tiyu. laxiy cqiri squliq, sm’ an utux, ini qblaq mqyanux.

te pitu. laxiy p’ abas kmayal, katun su nya huzil ru mqu, psyaqan su nya squliq uzi.

te spat. kmayal bnkis ta mha, m’ squliq balay na Tayal ga ini kngungu nnanu.

te qeru. laxiy hmut kmayal yaqih ke na squliq, phugun su nya utux na bnkis ta.

te mpuw. laxiy kyubing, yubing su squliq ga, skyubing su nha uziy. ana su musa rgyax qmalup ga, iyat su nya biqun qqsinuw utux bnkis ta.

古老的泰雅倫理規範Gaga，就是用泰雅眼光教導泰雅族人應有的生活態度。「不論到哪裡工作，都要對自己的行為負責。離開部落的族人，也要多思念家鄉的事物，泰雅族的傳統文化要傳承下去。不要忘記，耆老也在部落裡祈求祖靈，保佑後代子孫能夠平安順利。」