朗聲四起

Sbiyaw balay, “ Tmpupu ” sun dha ka dgiyaq Klbiun, gaga hiya ka paru balay qhuni, sngsagan sida ni rnabaw niya o ana jiyan mnkuung mdka keeman, niqan 1 jiyax, smriyu paah lhbun qhuni ka 1 mneudus 4 papak, ubal kana hiyi na. Smriyu 1 duri mneudus o niqan Pungu baraw na mdka rungut qhuni qtaan, paah baang na o niqan 2 gamil ni 2 sida, smriyu duri paah baraw ka 2 mneudus, mlglug lqling bbaraw ni mtduwa mksa ka 1, mtduwa skaya karat ka 1, kika samat, quyu, ni qbhni sun.

Smriyu paah baraw ka 1 o mniq qhuni baraw, smriyu paah truma o mniq dxgal, saw nii ka kndsan samat, quyu ni qbhni.

Ana yaa smnriyu paah qhuni ka 4 klgan mneudus nii o ini pseupu, niqan 1 jiyax empprngaw ka dhiya, “Paah sayang asaw kkeudus ta, usa smpung mkan saw uqun ta nanak ni meudus.” mkksa.

Smriyu paah lhbun qhuni duri ka 1 snaw, smriyu paah hiyi na ka 2 laqi, 1 o snaw, 1 o kuyuh, paru do maamsddungus da, mtucing 1 laqi dha, mrana paah hini ka Truku msa ka rudan Truku sbiyaw. Wada bsiyaq knxalan mkreurus mniq eneana inu ka laqi laqi dha, duma o mniq ddgiyaq, duma o mniq bbreenux, phiyug nanak bgurah sapah nniqan dha.

Dgiyaq nii o pthangun rudan Truku sun “ Klbiun ”, laqi Truku embarah sayang do pthnganun dha “ Dgiyaq suyang ” sun, Hmuya ma dha pthnganun “ Dgiyaq suyang ” hug?

Yaasa aji dha sshungi pusu rudan dha sbiyaw, 300-400 hngkawas brah na o mnkala dgiyaq nii ka rudan Truku miyah thjil nklaan hidaw,wana nii ka elug daan dha mnkala. Mnkala hini ka rudan Truku o asi ka tpuqu tluung ni psklabi ka dowriq qmita nklaan hidaw. Kiya do asi dha si “ Dgiyaq Klbiun ” ka dgiyaq nii. thnganun dha Klbiun o niqan paru bi pusu na quri Trkuan.

奇萊山群在古代稱為「被覆蓋的山」。有天，樹下出現四隻腳滿身是毛的動物，又出現了背上有凸形的動物，看起來像樹瘤，各有二枝樹根及樹枝。上面出現二種動物，一個細長蠕動的走路，一個飛在空中，這些是獵物、蛇、飛鳥。歷經好幾個世代，樹下出現了一個男人，身上生出一男一女結為夫妻生下孩子，這是太魯閣族的發祥地。數個世紀，生活空間不足，祖先攀越奇萊山建立家園，為感恩此山，稱為Klbiun，後代取名為「聖山」。