朗聲四起

Sapah pyasan ksun o kika saan ta smluhay ana manu. Duma sapah pyasan o gaga daya dgiyaq, duma o gaga ssiyaw gsilung ni gaga alang breenux, kiya ni ana inu qulung bi niqan sapah pyasan ka knxalan sayang.

Sapah pyasan niqan egu balay saan smluhay ni hmrapas uri. Niqan egu klgan qhuni gaga hmaan ssiyaw sapah pyasan, saw ka qhuni harung, qhuni qowlic, qhuni dara ni qhuni raus… dnii. Ida malu balay nniqan, malu balay qtaan ni malu balay sknxan uri ka bgihur na. Kiya ni dungus bi yahun meuyas patas lqlaqi, kuxul bi yahun lmhaw, tmalang mbbiyax uri. Nasi saw mniq alang breenux o ida kuxul bi saan mkksa rdrudan mgrbu ni gbiyan kdjiyax ka sapah pyasan sayang.

Deima ka ga ruwan apah paysan hug? Niqan ka emptdudul, niqan ka ka emptgsa, niqan ka hbaraw laqi empeuyas patas uri. Ida niqan ka empkaraw ni empshada uqun uri wah! Ida ga mseupu qmeepah ni meuyas patas sapah pyasan kana, ida niqan nanaq kngkingal euda dha. Emptgsa o niqan egu klgan seejiq uri, niqan ka Seejiq Balay, niqan ka Bunun, niqan ka Klmukan ni Khilang ni Tlu uri. Dhiya o ida mdrumuc bi tmgsa ni smgealu balay lqlaqi empuyas wah!

Wada ta malu bi utux ka sayang da, niqan ta kingal mdudug bi mnan pusu empqlahang sapah pyasan, hiya ga rmngaw bi mnan kjiyax “ Malu bi qbhangun ka hnang kari Seejiq, kbyaxi smluhay, iya bi lxani smluhay ha. Yasa gaga ruwan hiya kana ka knkla rdrudan sbiyaw, kiya ni sayang do ana nanaq sapah pyasan alang daya dgiyaq, ana nanaq sapah pyasan alang breenux, qulung pniqan ka saan smluhay kari Seejiq, kari Bunun ni kari Tayal uri, niqan ka slhayan kari klmukan ni kari khilang urii.

Kiya ni ita sayang dga smkuxul ta bi musa sapah pyasan, spruun ta bi ka pusu empqlahng ni kana ka emptgsa uri. Mqaras ta bi tuhuy lqlaqi empatas musa sapah pyasan kdjiyax.

學校是學習事物的地方。學校有校長、教師、學生、工友，還有廚師，每個人都有自己的任務。要學習的東西有很多，譬如讀書寫字、學習唱歌跳舞、畫畫，學習團體規範，才能懂得「做人、做事」的道理，還要學習自己的族語和傳統文化。

我有一位積極推動族語的校長，他說：「祖先的聲音很好聽，要認真學好，因為祖先的智慧深藏在語言裡。」山上或都會區的學校，都有開賽德克語班。我很高興可以去上學。