朗聲四起

ikay angatungatu, yakay ku ea ka angatu, amani sa atitikiyanenga ikay ki angatungatu lakuni ku ngikakakukuhu tuhamuhu.

ikay ki thilini, laikai ku tikiya si matidalame ka ubulu, lu cele ki angatu tangelreca kadruwa ku takihagahagadha, lu adhaana la sasa ki angatu : asi kasalivalrau! ceelaili! kunaku tikiyanaku, kay adravaneli kadruwa ka wadaliyana ku adrava ki biyasu! ai masalruaku, aitaha ikai ku vaivai ku akadravaneli, matuma lu masilangeta suwai kadrau. lakai tahathainu, kau angatu si ubulu la makakisudalru, masasidruhu ki manemanenga, kadruwa ku nibaladha, la masasilange kisamula suwai.

lu adhana, la mapapelaela ku taceelanelini ku takilalranelini, kau angatu peaelaela ki ubulu ku takabalribalritha ki emeeme, yakai ku manemana ka adhadhame ku ngyapalapalai, kau ubulu la peaelaela ki angatu, ku atatulrale mikakwakuwa, ku bengelrai ngituatuma ku thahiha.

langilribate ngilribate ku vayvai ku vayvai, kau angatu la ceele ki ubulu wasuwainga kadrau, ikai ki angatungatu amaninga ku makeceecengenga ka takaubula, eene kadruwa ka ngyalrau ki angatu kaelrenge, ai maadrau ku salruwaneini. lu alramadu pakihamau ki angatu, kau angatu sakamiyaneana ngwalrili ki yabelenge.

yakay ku nimakavala, wakela ku sedreke, la ngicaeme tahuadrau ku udale, kau ubulu la sudakipi sutalu ki angatu, la kai kipaukadrulu ki sasevaha. sangilribatenga inya sedreke, kau ubulu laiyai ikai ki angatu, maesai la ikaysu, la dulruwaku sutalu musuwa si maka kilepenge ki saseveha si udale, nakaisu amani nai tahakithavageaku.

kau angatu sa kilalra ku taiya ki ubulu, kyahagai kiaseasene, idra yasasana la ngithathingale, eene kadruwa ka amani kudra maelrenge kihamau ki drumana ka angatu, ai miyalri ikay ku palreba ka paluluda. twalainga iniya, kadruwanga ka ngwlai ku taka tikiyana si ngikakuhu ngikakalrase, ngiabalrelringa ngithathingale ku takibekacaneini, sika yakay ku pathahevaneini.

森林裡有顆小樹，因為矮小所以自卑。旁邊有株小草，常常安慰小樹：「要有自信，相信有一天會長大，我們一起努力啊！」小樹和小草成為好朋友，每天交換所見所聞，互相勉勵、努力成長。

日子一天天過去，小樹看見小草日益茁壯，但還是常抱怨長不高。有天，颱風來了，小草緊緊依附在小樹旁，才沒有被狂風暴雨擊倒。小草跟小樹說：幸虧有你，不然我一定被風吹走。小樹發現自己雖不是高大的樹，但有自己的長處，就不再自卑了。