朗聲四起

kuaw minakatusi fafaw a qali numa marfaz mupruq, numa panasahai pruq, isisua numa smakup tata wa sisi, langqisusay a sisi. itia tata wa aaq isahai ribush a kawi a fafaw, mriqaz izai kuaw smapuk sa langqisusay a sisi, sa aaq mathuaw masay numa mathuaw shmaqlhay izai kuaw, mangqtuqtu mzai miku tmash sa kuaw a numanuma wa palhkakrikriw, miazai sa kuaw dai mathuaw mara’in numa mathuaw matunaw.

tata wa qali, aaq milhungqu isa mara’in a ribush a fafaw, isisua mriqaz tata wa mara’in a sisi kmaan sa lhmir isa maharan a buqan, numa aaq mzai “thuini aminkuaw yaku! asmapuk yaku sa izai a sisi!” kuaw marfaz isa mathuaw marutaw a qali numa mupruq panasahai mara’in a sisi a rikus.

ba! maqa mathuaw matunaw numawan, aaq a kuku panasahai mara’in a sisi a rikus, numa s izai sisi a kupur maquliush numa shangkatkat dai, numa shurushuruzin thithu amusha, antu shiruan. numa aaq mathuaw matunaw dai amarfaz, antu mani shiruan maqa thithu a kuku shangkatkat isa sisi a rikus a kupur.

numa tanlhuaniza, sakpiniza sisi a talima izai aaq mutaun, malhai thithu a azazak, numa azazak makikalhi mzai “ numa wa rumfaz izai? ” azazak a ama mzai “ aaq! dadu aaq izahai! mamzai thithu muqay tata wa aaq, kanuniza aminkuaw thithu dai! numa thithu kamzaiza mani thithu mzai kuaw, numa asmapuk la mara’in a sisi. ”

kuaw ianan matnuaw malamlam a kuku, numa mathuaw mani makushwit sa thithu a pali masa buut, numawan shduuiza thithu smapuk sa “ langqisusay a sisi ”. kanuniza sa aaq antu miazai sa kuaw, thithu a ruzith antu miazai sa kuaw malamlam, thithu a pali antu miazai sa kuaw mara’in, thithu a kuku antu miazai sa kuaw makushwit, numa aaq muqay aaq, antu kuaw, minu sa aaq aminkuaw qa?

izai a lalawa mzai ita thau ya muqay mriqaz tmash suma wa thau mzai numa s akalawan, maura ita mzai ananak a lakuza wa kushwit, ya miazithu la, amuqay tmash suma numa kalawan, antu maqitan! kathawaan thau.

老鷹捉到了一隻小羊，烏鴉在樹上看著老鷹捉小羊的過程，心裡非常嫉妒，也非常羡慕老鷹的高大雄壯，一心想要模仿老鷹。

烏鴉模仿老鷹在天空中飛著飛著，然後就向地面俯衝直撲，衝向一隻大羊的背部，心裡想說：「我捉到羊了！」。烏鴉的爪子直接衝刺到羊背上，羊毛非常長，所以就被羊毛勾住了，烏鴉拼命的拉卻拉不出來，用力的飛也飛不起來，因為牠的爪子已經被牢牢被羊毛纏住了。 

一個人只知道模仿別人，卻不知道自己到底有多少能力，這樣可能會給自己帶來不幸，並被世人所嘲笑。