朗聲四起

no ya mapakzikzing rana do mararaw am, yongkad rana no kakan do pivatvatekan. sira rarakrakeh am, da na isdep do sahad o kanen a ka no yakan namen. da kaharaw so kanen a ka no yakan a pangain do kakanan namen. no namen teyka isaray rana do seyvo a ka no sinsi a ka no nimanotong so kanen a tao am, namen rana koman, no namen teyka koman am, namen  ipamazas rana o asi no kayokayo.

ya miciataretarek do araraw o kanekanen do pivatvatekan, no tomakatakaw am namen koman so mogis, no tomakatakaw am namen koman so soba, no tomakatakaw am namen koman so nipasisit a kanen.

o yakan namen am mian so napa a ka no among a ka no viniay a ka no lipao a ka no icioy. o asi no kayo am mian so somon a ka no tamato a ka no vazacinok a ka no vineveh a meyciataretarek a asi no kayokayo.

maniring si akes jiaken am “ya teyapia rana o kanekanen do pivatvatekan siciaikoa ya.” so namen ikakeykai a tomaodtod so kataotao, ikadoa na am, ya aro o namen ji atenngi so ngaran a tao do malaod a ya mangarilaw so makoan jiamen, a matarek so yanan do likta mahataw. no namen teyka mibozo am, namen miyop so da niparala jiamen a mizoko, so namen ikapno no velek do pivatvatekan.

da ji aratan nira niapoan ko o kanen ko do mararaw, ta namen tomipanpani o kanekanen do pivatvatekan, no makatakaw am apiahen na yamen no sinsi a mangaraw so kanen a ka no yakan a yangay do vahay. so ko sarayan nia do seyvo a ka no ya marilaw niamen a tao do ilaod a ka no ya mansahad do kanekanen namen a tao, no ko manakenakem am, makowyat ko a macinanao do pivatvatekan, no makaveyvow ko rana am, manidong ko so makarilaw a tao, ta mian so nimarilaw niaken a tao.

 

中午的鐘聲響起，要吃營養午餐了。抬餐的大哥哥姐姐將飯菜抬進教室後，幫我們把飯菜裝入碗裡。學校的營養午餐很豐富，有時吃飯、有時吃麵或炒飯，菜有青菜、魚、肉等等；水果有西瓜、橘子和香蕉等等。我們的午餐很營養，加上有愛心人士捐助我們營養食品，我們長得又高又壯。

父母不擔心我在學校的午餐，因為學校提供的營養午餐很豐富，有時老師還讓我們把多餘的打包回家呢，我要好好在學校學習，等我長大有能力了，我也要幫助別人。