朗聲四起

ayo a ka no awa am miangay a kagagan no tao do karawan. ya alikey o ayo am ya arako o awa, no ya tahaman o ranom do ayo am ya matavang, o ataw am ya mapait. tana matavang a tana mapait am, no ya pitavain a asoy no yakan am teyapia a inomen.

o ranom do ayo am ya isawalan so ora, ori na ikararako no asi no sosoli, no ya kanen am ya mehma a masoniket a ya teypia kanen. no namen mangay  do takey namen kahaw am, namen tonginom so ranom do ayo, ta ya matnaw o ayo do pongso. no apia o kakawan am, na yangay ni ina o maloloit a ayob namen do ayo a apisan, na kakozay so ayob do kavatovatoan, yamen sira wari am maryos do ayo a miyalalam; makoan so sang o rarakeh no mapo do takey am, sira maryos pa do ayo a da ka oli rana, so namen ikasasaray a tao do pongso a makacita so ranom do ayo a ya manownaw a namen apzatan.

o rako a awa rana am vahay no amoamong, no rayon am ya aro o tatala a mitawaz so libangbang, no namen macita do vahay o aro a libangbang am, namen masaray a asa ka vahay, o vazay ko rana am mangay no ataw a iataw so zangen a libangbang, ta nokakoa am ataw o itavay so asoy no libangbang, ori am iwawalam no tao do pongso.

no miwalam namen ka apia no kakawan am, teykakza namen do vanwa a piyawawatan, no macita namen o aro a amoamong am, teymasaray namen a macikasngen jira. siciaikoa ya rana am, namen ji angayan o ataw rana, ta namen to manazang rana so asin, namen ji mipipis a maryos rana do ayo, ta na mian so ranom do kavahayan. no ya ko manakenakem am, o ayo rana am akmey anak no awa, o awa am akmey ina no ayo. tana ya maparek o ayo a ya omvoyog do awa am, na to pivozavozawa no awa. tana ayo a tana awa am, ya teyrako o da sidongan do tao, so ko pancian no ayo a ka no awa a neypia kagagan no tao.

 

溪水與大海都是人類的好朋友，溪水灌溉水芋田，海水是飛魚季替代鹽煮湯最佳調味料。過去，媽媽在河邊洗衣服，大人小孩在河裡洗澡，現在家家有水了就不再去河邊，老師也教我們愛護溪水，寶特瓶勿往溪水扔。知道溪水對我們的幫助，我已經懂得保護生態。

每逢夏季，許多遊客來訪島上，他們爸爸也向他們解說我們重視生態平衡的文化也向他們解說我們重視生態平衡的文化。我也很贊同父親說要感謝溪水與大海養活小島上的人。