朗聲四起

o angit rana do pongso am, ya abo o ya asa ka araw a ya ji alakan nia. tana ya apia tana ya marahet o kakawan am, no ya tangaraen o angit am, ya aro o miasasalap a ya mitotoaw do teyngato no ili a somalap, amian so ipasalaw aka no takoyab aka no gazoak. sira akmey asa ka ciciponan a mehzehza a somalap do karakoan no angit, no sira mangay do kawanan am sira mangay do kaozi.

no ya tomakatakaw am, sira mian do teyngato no karakoan no wawa, ya matotonton a omvezay so panid da a somalap, ya da ka pisinaoli rana a someyked do toos no kayo a mamahamaha, no tomakatakaw am sira miwalam do tokad no niakawan, no sira makamahamaha rana am, sia na malovot a miroa somalap do angit, no ya somdep rana o araw am da ipiwalam.

nimiapo nokakoa ya na ka tongaian siciaikoa ya am, ya na karakorako no sinokob no angit am, miasasalap o ya mapey vazay so da kapialalam do angit saon am, ya da kaveyvoan o angit a ya peylingalingayan so masaod no karawan. miasasalap am beken a niparing a kikay so taosia no aneng, miangay ta abo o aro a kikay a palitan, neymakdeng na am no sira somalap am, ya ji manazang so kipo a da kato livolivonan so da apiaen a ya angayan a meyciamahamahatawan a pongso.

no kakanakan da pa no rararakeh no kakoa am, tatala o macita da do wawa, so ji da makatenngi do vazavazay no karakoan no karawan. amian rana so sikoki a avavangan no tao a mai do pongso am. yapoan na rana no kapangavangavang so tao, a mangay do malaod a manazang so meyciamadadayan a apzapzatan do vaay ipanci da no rarakeh o sikoki a somalap no avang, do ka akma na miasasalap a to nalap do angit. ala abo akman so tao do pongso a teymasanib a omavang do sikoki a mangay do asa ka mahataw. ori na ikaro rana no nimablis a pimasaodan no tao do pongso, so ikakdeng no somalap a avang a ipihanhan no tao a ahavangan do angit, inganangana so tao do malaod.

siciaikoa ya rana am, ya amian rana so mavazivaziosos a sikoki, ovazay na am, ya mangavang so ya makdeng a na ji makapeyvangon a tao a ya angay do malaod a ya avavaon.

 

蘭嶼的天空沒有一天不熱鬧，不論晴雨，部落上空常會出現各種鳥類在飛行，有燕子、灰面鳩和白鷺鷥等。牠們成群結隊飛翔，有時在海面上繞圈圈，再到樹梢停留，有時歇息在田埂上，再集體展翅飛舞，直到夜幕低垂。

自古迄今，也只有鳥類獨鍾天空為遊樂場所，牠們獨享浩瀚穹蒼，在空中飛行，不用加汽油、不用換零件，也不用買票就能環遊世界。

以前老人家的童年，只看到拼板舟在大海中航行，無法認識外面的世界。

後來，民航飛機出現在蘭嶼上空，族人開始與外界接觸，引進現代化用品，改善了生活。飛機也成為族人往返的交通工具。

現在又有了直升機，它的任務是專門後送極重病況的人就醫。