朗聲四起

o angit rana do pongso am, ya mapangyangyalak do mata. tana ya apia tana ya marahet o kakawan am, no ya tangaraen o angit am, ya aro o miasasalap a ya mitotoaw do teyngato no ili a ya somalap, ya amian so ipasalaw aka no takoyab, ya amian so manai aka no gazoak. sira akmey asa ka ciciponan a mehzehza a somalap do karakoan no angit, no sira somalap a mangay do kawanan am sira somalap a mangay do kaozi.

no ya tomakatakaw am, sira mangay do teyngato no karakoan no awa a somalap, no sira matotonton a ya amvezay so panid da, a ya omlivolivon so ili am ya tey piya a citahen. no sira mazikna rana am, sira someyked do toos no kayokayo a mamahamaha, no tomakatakaw am sira midedna do tokatokad no niakawan, no sira makamahamaha rana am, sia na malovot a miroa somalap do angit, no ya somdep rana o araw o da ipiwalam.

nimakalapo nokakoa ya na ka tongaian siciaikoa ya am, miasasalap o ya tongonongonong do da kasalap do angit, ya da kaveyvoan o angit a ya peylingalingayan so masaod no karawan.         

o miasasalap am sira ji akman so tao a ya manazang so kipo a ya isalap do karakoan no angit. ipanci da pa no kamanrarakehan

nokakoa o sikoki a akman so avang do awa a mangay mangavavang do peyciamahamahatawan na. o sikoki am somalap a avang do angit a mangavang so tao a mangay do peykeylilian na. no ya apiya o kakawan a na kaciey do mahep am, ya macita no mata do angit o akmey micicilat a zampo no somalap a avang, tana maraw a tana mahep am, ya ji ablis o angit a ya salapan no miasasalap aka no somalap a avang.

nokakoa o sikoki am alikey, o maoran na tao am ji makanateng , siciaikoa ya o na maoran no sikoki a tao am, ya na mahap rana o na ka sikaroa ngarnan no tao, a ka no ya makeykai a makaranes do pongso, so ya ji makakoani sia no tao a ya kavang do sikoki.

蘭嶼的天空沒有一天不熱鬧，不論晴雨，部落上空常會出現各種鳥類在飛行，牠們成群結隊飛翔，有時在樹梢停留，有時歇息在田埂上，再集體展翅飛舞，直到夜幕低垂。

以前的老人只看到拼板舟在大海中航行，民航飛機出現在蘭嶼上空，他們稱為天空的飛行船。過去小飛機載客量不滿十人，輪船也要航行近七小時抵達目的地。現在飛機可載近二十名乘客，飛行時間也縮短了距離，所以我們都喜歡乘坐飛機翱翔天際，往返目的地。