izua a mare kaka pinaka ti tjukutjuku kati kaljaljuljalju, tjaivilivililj nua mamazangiljan, pinacayan nua matjaljaljak ka kakedriyananan tiyamadju, na semturudj aravac tiamadju a marekaka.

ka mapuljat anga a lami a kakesain niyamadju “ kemudanga itjen ljaku kaka, uri macai itjen tua tja culjan. ” ari vaiki a semata tjakasusu, palemek nupaka semturudj tjanuitjen sa tjepakani aya tiyamadju. ljakua neka nu napakan tua kasusu tjayamadju. pai sa cikel anga tiyamadju a tjumaq a namaculja.

kemudanga itjen ljaku kaka, uri macai anga itjen tua tja culjan aya tiyamadju a marekaka a masudjusudju. manu pacun tiyamadju tua kavayan a qau i casaw tua paliljung tua umaq niamadju. pai sa kinemnem tiyamadju nu kisusu itjen tusa qau, palemak a pacun itjen a paljiacadjan aya, sa kisusu tiamarekaka ljevavaw tua qau, pacunan a pecevucevulj itjaizuazua tua gadu, a i cadjangata tua veleljuan. kavalanga tu mavekuc sa kavayan a semazua aya. manu mavekuc azua kavayan a paquli a matjaizuazua tua gadu, tjezaleman a tjektjek i pasulaulauz i pulavulavuan tua zua pacucunan niamadju a umaq, manu kama katua kina azua i zau.

pasemalavan anga a kama a kina tu nasemturudj aravac tiyamadju, kinagalemgeman anga men natja sikataqaljan a mapuljat, uri macai anga men ta niyaculjan ayain a kama a kina.

ljakua, ini ka mun a maqati a tjaljumaza, ini kamen a maqati uta cemikel a sema tjanumun. niyasi ravan mun tua lami, tua nanemanemanga, sanu vaik a cemikel a sema qinaljan ayain tiamadju. sa vaik anga cemikel tiya marekaka.

kadjemaljun itjumaq tiyamadju pasusuin anga a kai na kama katua kina; sa izua anga a cevucevud a zaljum i pasu zayazaya.

kemasizua qadaw inianga ka qemudjalj, pai makulji anga zaljum a pulingelingetj, sa pacai a qemuzimuzip a masa qusavan, maru matapianga nanemanemanga pulinglingetj. sa kiqaung anga a taqaljaqaljan tjai tjukutjuku kati kaljaljuljalju tusi pazekatj tiamadju.

ka cuacuai anga kiqauqaung a sika taqaljaqaljan tu kemuda tiamadju saka maqati anga a paqudjaljan, sa ka pasusuan anga a varung niyamadju a marekaka nua sikataqaljan. pai sa qaqivui anga ni tjukutjuku azua qudjalj, saka na manguaq anga tiyamadju a pitjaivilivililj.

有兩姐妹，姐姐叫tjukutjuku，妹妹叫kaljaljuljalju，是貴族的後裔。

因父母早逝成為孤兒，生活陷入貧苦。家中的糧食用盡時，姐姐向親戚求助，但沒有親戚願意給她們食物吃，只好空肚子回家。

兩個姐妹突然看見門外的竹子，順著竹子爬上，看見遠遠的山谷，有人在取火，她們心想，真希望這竹子頂端可以到冒煙的人家，竹子就慢慢彎曲落在那冒煙人家周圍。原來冒煙人家竟然是他們父母親居住的地方。

兩姐妹陳述他們生活的苦境，但父母說：你們不能留在這裡，就像我們無法回部落一樣。但我們可以爲你們預備生活用品。以後將不會受苦，也不會有人欺負你們。

兩個姐妹回去後，照著父母親吩咐把每樣東西安置好，也有泉水從流入兩姐妹家中。

那時部落不再下雨，到處缺水，許多農作物及動物都死了，族人請求協助。

tjukutjuku及kaljaljuljalju疼惜族人，兩姐妹祈福降雨，使部落回到過去富裕的生活。