朗聲四起

kahiwan thau ya amakalawa sa futulh, miaqay tmala sa riptha wa ribush, maqa sa riptha wa ribush mathuaw marumiz, mamzai shikiwarin antu mupriz. 

ya makushwit a thau makushwit painan sa thithu a futulh, maqa makushwit a thau ianan kushwit amashuruz sa futulh. ya antu makushwit a thau antu makushwit mani thithu a futulh, maqa uka sa kushwit ashuruz, numawan sa thau ya tata wa parhaway ianan tata wa futulh numa lhpazishan.

thau ya kmalawa sa futulh, tmala sa riptha wa ribush. ya kinashitalan, maqa sa riptha wa kawi mathuaw makundur a kawi, ya kmalawa sa futulh niza tu kmashiqtha ya minawaiza, maqa sa futulh ya miaqay malhinpanaq, mingqaraiza kafazaqin ita sa izai a futulh ya miakuza ya maqitan malhinpanaq, numawan sa futulh shanathau mani.

numa sa futulh a klhiw pasain mani tu binanau’az a sinalam a klhiw, numa ya minfutulh a klhiw aquthquthanuan izai thku a fazfaz, numa pungqaqaudinan sa fatu, maqa dai amashibuntuth. ya antu mashibuntuth amuhiaw mutun, numa ya pungqaqaudinan sa fatu, maqa dai amashibuntuth izai a klhiw numa aminra’in marumiz izai a klhiw.

numa sa lhpazishan pasain shkish, numa sa shkish ianauranuan izai pasansan, maqa pasansan numa makamalunduz. numa ya malunduziza pinasansaniza malunduziza. isisuaiza aputuaniza sa balis a lhpazishan. numa pasain izahai lhpazishan pasain klhiw izai balis murunrun, numa ya rinunrunaniza pasainiza zakzak mrishup, amaqa pisain zakzak mrishup numa antu akumpshiq izahai shkish ya panaqiza. numawan sa thau mathuaw ya itia sa zakzak, antu palhaqaan thaithuy, puilin thaithuy, numa ya kmalawaiza sa futulh, kmalawaiza sa lhpazishan miaqay pasain zakzak pataupdaq, maqa sa lhpazishan amakundur, numa kahiwan mashtay sa thau ya tata wa parhaway ianan sa futulh numa lhpazishan.

kahiwan lhpazishan a shkish ya putuan sa izahai tu rumfaz a kupur pataupdaq mani, amaqa amalunduz ya panaq ita, antu taukiwakiwar. ya putuan pataupdaqan sa ranaw a lhizash izai lhpazishan a wishwish. pataupdaqan sa rumfaz a pali, numa ya mufutulhiza malunduz dai, numa miaqay tmariqtu.

邵族製弓多選用堅韌的大丁黃木，耐用且不易變形，並依個人力量調整弓的拉力，人人都有合適的弓箭。弓弦由婦女捻繩製成，需綁於樑間並以石頭垂吊，再於腿上反覆搓捻，增強韌性以防斷裂。箭用箭竹製成，烘烤使箭身變直。此時再裝上鐵箭頭，用細繩把箭頭纏束綁緊後，再用蜂膠塗抹，當箭射出，箭頭端的箭竹才不會迸開。箭身還會粘上鳥的羽毛，箭才會直飛。也可以用雞的羽翮或鳥的翼羽粘在尾端。

以前的青年去打獵要攜帶弓箭、配掛刀子。