朗聲四起

ka sicuayan izua za rutjekacauan a likuljau. aicu a likuljau nuri kipapacun a pitjaisangas, galugu anan a papacun ta kinaremekutj nimadju, pai nu inianan a sepualang ta kinakemudan nimadju, na maipuq anga ta rekutjan a caucau. pai samadjulu anga a likuljau a keman tua caucau.

izua ita qadaw, izua macidilj a vavayan a nakemacu tua madrusa a aljak nimadju a semapana a venateq. pai kivangavang azua madrusa a aljak nimadju tua vudas katua makakalukaluc ta alai a pitalima.

manu izuaza likuljau a penapintjus a mekekelj a paljelauz a kemasi gadu, azua venatevateq a vavayan ka pacun mintjus sa kavilad, inianga kana sumumavan tua a aljak, sa mintuluq timadju a kiqilja a sama puzaljuman, inianga kanasemumavalj tua vinateqan a itung nimadju.

ljakua azua madrusa a kakedriyan kamayan a kivangavangavang i vudavudasan, sa inika na semumavan tu ljiadudut a pasa tjayamadju a likuljau.

pasasamlji azua a likuljau ka pacun taza madrusa a kakedriyan a inika na semumavan tjaimadju, ayatua nu semainuanga timadju, neka nu inika na marekutj. aku inika namintjus inika nasemumavan sa madrusa kakedriyan? aya a likuljau a kinemnem. ka cuaianga a pacucun a likuljau, saka inika nasemumavan azua madrusa a kakedriyan, pai vaik ti likuljau a kitutud ta madrusa a kakedriyan, sa cugecugan a qulu na likuljau tjayamadju, ljukua sitailj a temuljudj a qulu na ljikuljau nua zua madrusa kakedriyan, neka angata nu rekutjan nuka kedrikedri, pai azua likuljau neka nusivala a kemuda, sana masisuqelaman a vaik izua.

從前有個地方經常有老虎出沒。一天，一個婦女帶著兩個小孩到河邊洗衣服。她在河邊洗衣服，孩子們在沙灘上玩堆沙塔。突然，一隻老虎從山上奔了下來，婦女見狀大驚失色，她顧不上小孩，自己躲進水裡。那兩個小孩依然在沙灘上玩得起勁，沒注意到老虎在附近「虎視眈眈」。老虎見兩個小孩無視牠的存在，老虎用頭去碰他們，兩個小孩隨意地用手撥開虎頭，一點也不害怕，老虎洩氣地走開。面對危險時，要鎮定、無所畏懼。