mataka’aa’ae lo cengelemao ’akapolini ana tavatolai, omalramalrakanai ka keteekete, inakepe iki ana ’olrae ceve’e. madhalamemita maesale ’ina tavatolai. maesalemita madhalame ’ina tavatolai.

’aelrengenai Dhekai ’ina tavatolai, todhalroenai holrolo iname Dhekai.

toelaeliname ’anomaelae laalake miiname pelengenai holrolo.

talidhekainai, odholrokanai ka todhoma ’ipocinga’a tavatolai, oomikinga ka pi’adha, mahasodhodha takaahodhange ila dholro ’ipocinga’a tavatolai, lo mohilehe’eni, tohamoho ka todhe’elrehe cengele mapini lo ’ipocinga’ani tavatolai. taadhi’inga dhona menana pa’asilalrae takaocalraeni.

tapa’iidhedhemaeni Dhekai ’a, maiconganae ’akakocingaini ’ina tavatolai.

to’alriho’olrao, ’akadhalameli tavatolai, kasakaline takadhalame. Dhoonai ta’apelepelengae ocao ona aikidha dhalopalringae valro maaovo’o acilai, kamaalrangadha ’epe tavatolai la ’i taecelrange vecenge, ’anopapalra. acilai lrana molodho mokela valriyoni Dhekai? ’alikinga dhona ’ina tavatolai mataka’inoinoe ka ’aelrenge, ’alikinga dhona ’ina vecenge tokocingaingi cengele.

patolimita pangepangeni ’aelrenge to’alriho’omita maiconganae ’ina holrolo , odholrokadha ka pokavole zega tai’aeni ’aelrenge, maaha’eve dhona odhiodhipi ’aelrenge, sinaiikingai vekenelre, pakahavehavehimite

 tohamoho ’ina kapa ’aelrengenga ’olrao.

百合花潔白的樣子非常惹人愛憐。我們從來不摘它，大地才是它最自然的家。我們對於百合花的情有獨鍾，是與生俱來的情感。

百合花是魯凱族的族花。魯凱族人和大自然互相依存，是山神最得意的子民。

魯凱族裡，不可以隨便配戴百合花，必須有所貢獻，經過長老同意才會賞賜百合花；傳統慶典裡，女子身上配戴百合花的朵數也非常重要，那是顯現尊貴最好的機會。

大自然的神奇都會在花朵中出現，再偉大的繪畫家都無法調出花卉的色彩，更何況是繪出那栩栩如生的花朵！只要有土地的地方，天然花草都會帶給我們莫大的歡喜！