朗聲四起

omiki takaeaea lamolai, omiki takaeaea tapoli kolravao oelevidhe piki takingkingkiyae hako, o’i ta kingkio ocao, opoa vengevenge galrase dhona paveavecahaedha tapoli kolravao la akanakanae. lo nao’iidheme lrivate miyadha kolravao oholrakadha kioa movongovongo dhona galrase. ona a’omaidhaingadha movongovongo, omi’a ta lriho’onga omiki ’ina “odholrine palrivate cengele kidholridhe ka lrivate”. aiiyangadha “nao la moa alrikodhae loalaala ta’osangedha’e valrevalre’ae” iya, ana ta ka’olro’olrongo tapoli kolravao, omikiine dhona “lrihilae tapapiya’e modhipi”. 

to’ahakina ’aamadhalae zidhai olalrae kisa to’adhadhaace modhalra molraodho tali’alrisan, ona ’anoaelreli ivokoli ’anokisa moa holrolo. ’akosaaeni makodhoso ka kisa tamo ’iidheme holrolo, kapakake’ecenge  la’iniyavelaini kisa amo lrakedhalelrao volo’oso iya, ona a’oilringadha makadhaacengidhe kisa ii’asa madho’a matolro miitolro. ona a’oilringadha, makadhaacengidhe kisa ii’asa takadho’a la katolro idhai miitolro.

kapahanaanae poke’ecengae solalra’a, kidholronga ka to’ipalra, kina vilivilaidhe po’adhaili. topodhaolae makodhoso dhoace lo modhalradha holrolo ona atopolrae mii kisa, oha’eve lo apa’akaelamao malralriyalriyasine ocao tato’ahaki pahacongae maineke.

omiki ocao ta toloholrae iki talangolangolrae ecenge talrakisae lroikiikisi, iki ocao ta pato’idhe aavasae’o zikange. mani kasekelre iya ’ina “taikieni acilai omiki ka’ange lo miyadha?” mani iidhe ana ocao “lo ikini ka’ange lo okaodhoni ka’ange, aika’o ka alrihoo’o cengele to’ahaki lringao’o? ” lrihilae ’a ’aliki kapaapi’aengata dhidhape. makocingai tohamoho kapaapi’aenga’o dhidhape, omi’a makocingai kapaapi’aengai ocaae dhidhape.

有隻白老鼠被關在實驗箱，白老鼠和食物中間有道玻璃牆，白老鼠無法直接走到食物那邊，會一直撞到玻璃牆，後來牠寧願去嘗試背後那條長長的通道，白老鼠也有「生存的智慧」。老式燒煤的火車在高山上爬陡坡固然很慢，但登山嫌慢，堅持在火車慢速行進中，跳下火車，再全力奔跑追火車，反而追不上。有人拿著釣竿坐在游泳池釣魚，以為有水的地方就有魚，有魚沒魚，卻不會用眼睛看。

智慧來自經驗。自己的經驗很重要，別人的經驗也很重要。