tevelengae ’a ma’akaelela ka solate. lo masekelreni oteme macani poke’ecengaaenga tovi, o’i kasii’i soilro so’ete ’apolre’eni. ilrae la laa’adhili ’iniyaveelainai dhoace, ’isakevenai molatadhe, mani keteketenai li’ange toapaapange, paataheanai padhaace paopelai.

omi’a solate taidhi’i ’ina ’angato, i’adhidhaalingine tevelengae, omiki hingihingi ’angato liyavisi ’angato miimilriki ’angato makataamani lo mokelani ziki ta’italetalekae,’inikookonolrao molrahalre loalaala kone toalrainga madho. madhalamelrao iki aleveeni ’angato toloholrae, ta’ape’apece iki vekenelre takalrolro li’ange omi’a dhona takapahanaanae taalraidhi’i.ciyahe. lo kalalrapa’ae, otongatongo kalalrapa’ae omale analo lalalri, kilriilriho’olrao mahadhaolongalrao ’omalemalenge.

ona’i dha’anenai lrikodho ’anodhaaonga valevalevalae, omi’a dhona ta’anomaelae solate, omi’a dhona aolrolai lamolai. tahokoko ’a olriho’o to’ahaki li’angeni valevale iki tapaka’analeve ’angato iedhenge, poa to’akene tota’ailoko, mani tokahadhoho iki dhona ta’iloko.

kasisa’i tahokoko omi’a dhona kataka’aa’ae solate, omikine takaamemelre’e ovale, kakookolai okoko, kasolovoko votolro’o, apaaoa kasii’i ngodhoi, sina kataadhi’ingai tevelengae, titina tahokoko ’anoolake’e ovili laalakeni, moa nga’anga’atoe ’ikanekane, ’osahiyo. mavahe’engai ’ina titina tahokoko, mani toloholrae cengele ’inalo kasisa’i tahokoko takapaikine vila’ani ’inisalriko, ’osahiyo masalaalalra’a.

maaolrolanai omi’a dhona kidholroe pa’alropenge o’ipi solate, omiki dhona taokaodho tata’asaeni kadhalame, omiki dhona ’apa’akasalraini pa’atakataka, omiki ti’a samelame tevelengae okaodho tata’asaeni, omiki dhona kikatalrihilriho’ae valevalevalae, omiki dhona kataka’aa’ae kasisa’i tahokoko, oaoaili o’ipi ’ina solate.

天空是本變化多端的書。生氣時摀著臉放聲大哭，小水溝滿是淚水。我和弟妹們捏手捏腳，戴上斗笠出門，採下樹葉當小船，一艘艘的順手飄去。

樹像站著的書，離天空最接近，有龍眼樹、芭樂樹、桃子樹、橘子樹。每當收成季節，我總以最快的速度爬上品嚐新鮮、碩大的果實。我喜歡坐在樹底下，躺在地上的落葉像無數絢麗的羽毛。夏天，蟬兒會奏著「夏日組曲」，讓我不知不覺飄入甜美的夢境。

家後面的大片竹林，更是一本神奇的書，像童話的夢幻世界。母雞會用竹葉在隱蔽的矮樹叢，做一個舒服的窩，在窩裡生蛋。小雞是本可愛的書，有著柔軟的絨毛，細小的腳ㄚ，橢圓的身子，配上精巧的小嘴巴，只要是好天氣，雞媽媽大清早就帶著孩子們，到林子裡去覓食、去玩耍。雞媽媽忙累了，就坐下來看小雞在身旁繞來繞去，玩著有趣的追逐遊戲。