朗聲四起

kaanaedha zikange? omiki ocao tamoiya ’ina, omi’a acilai ’ina zikange, ki’adha’adha molodho ’alikimiya’e talicovongae’o. omiki ocao tamoiya ’ina, zikange ’a omi’a ta kitelrai ’ali’adhingi mokavole “’inanga”,  “vilrilaenga” oonai lo kikaava’inai, “olrivatenga” oonai lo makadhaacengai. 

mataadhiadhi’i lo malramao toki cengele olriilriho’omao, ’akapito toki mokela ’akavalro toki maeaea zikange, omiki tata’asaeni zikange. kapatata’asaengai zikange, odholromita ki’aeleele ’asengelae, oha’eve la  odholroomita kii’adha’adha ’aeleele. kapaapi’aengata dhidhape kapatata’asaengai zikange, omalramita “to’ahaki” zikange. lo malrata to’ahaki ’adhidhapae tata’asaeni zikange, omiki ka tolohaeni ’ina dhidhape, oonai “ta pa’iniyacehae to’ahaki zikange”. ta pavalrisale, lo kamapadhaaceta zikange, kiyalra ka to’ahaki, oavasemita lo pi’ata ana.

olo topodhaolaeni zikange mii’a acilai ta dhaace, lo ’anoapangeta iki tacilalrae, lolodho acilai molraodho, dholromita mo’adhaili dhoace. oha’eve, lo ohacengele’ine molodho, kilaaka ’adhidhaapae, tai’anaa’o iki taa’akae. 

omiki ocao taiya ’ina ’aovaovaha, “zikange ’a paiso.” tapatolohaeni ’ina vaha ’a “lo lriho’o’o to’ahaki zikange mani pa’atedhe la ’i poa pi’a, amo dholromo’o ’ipaiso todhao. oha’eve omikiinga dhoma tolohaeni, zikange ’a omi’a paiso, dholrimite iki kapaocaonga, oha’eve la oonai lo lriho’o’o malra tohomana, malra to’ahaki. lo kiyalra’o tohomana, kito’ahaki, dholrokaimiya’e ka iki.”

ocao talriho’o to’ahakizikange, tokalihanae ’ilape dhidhape ’adhidhapae, kitelrai ’adhidhapae poopoa lrihilae, ’atoloho ’inicacehae dhidhapani. o’i ’aitiisen tapa’atedhe dhingki, omalra dhona zikangedha apa’iidhedheme  la ’i  kingkio, ’atoloho dholro pa’atedhe dhingki. 

 

時間是什麼？有人會說，時間像流水一樣，不停的從你的眼前流過。有人會說，時間是不斷湧來的「現在」，湧來之前是「未來」，湧走之後是「過去」。

每一段時間裡做些事，就是把時間拿來「用」。如果所做的事，都是有意義的事，那就是「善用時間」。相反的，如果我們讓時間在眼前空過，不拿來用，就是一種浪費。懂得利用時間的人，時時找事做，發明電燈的愛迪生，就是把他擁有的時間都拿來思考和做實驗，所以才成為電燈的發明人！