朗聲四起

kamay nu tamdaw caay kaw dadayumen, limaay a tarudu’ mapapaliw amin, mapapadang a midemak, sisa caay kaw dadayumen ku kilemel. Tiya cacay a remiad, ira limaay a tarudu’, araw madademec tu cima ita ku malasakakaay saan? Araw miangang tu pasubana’ay a miterung, a mipili cima ku sakapahay a mala sakakaay nu heni. Taleayaw satu kira saayaway a tarudu’ a semuwal saayaway kaku a tarudu’, caay haw ka aku tu ku sakakaay, anu mahemek kita tu cimaan a palakapah tu kapah kisu anu sa? Caay haw kaaku ku palakapahay satu. Padudu satu kira sakatusa a tarudu’, suwal sa caay ira? Melawen anu mikilim tu lalan, anu mituru tu maan,caay haw ka aku ku tapang a mituru’, sisa aku ku tapang. Pasuwal satu ku terungay a tarudu’, aka tu kacacengang kita, patahekalen amin ku tarudumay, melawaw cima ku raraya’ay, makibana’ tu cima ku sakakaay caay haw satu?

I matini caay tu pakadungdung kiya makalikul tu saka tusa a tarudu’ suwalsa: Anu u tapang amin kamu, i pikikungan a tatamis kiya i likul nu sakatusa a tarudu’ satu, sisa caay haw ka aku ku tapang a sakakaay satu.

Ina limaay a tarudu’, ira salikulay suwal satu: suelinay u salikulay kaku, anu makakiyaku kita tu demak, caay haw ka aku ini u salikulay a tarudu’, misakilemel tu demak, caayhaw ka aku ku tapang.

Tu nikalecapu a macacengang amin nira tarudu’, paterung hantu nu miterungay a pasubana’, kamelen kina limaay a tarudu’, makibana’ tu haw ku kilemel? makibana’ tu haw ku balud a mamapadan. Sisa caay kaw mamasiwatid amin kamu, caay kaw mamalacacay ku cima a miherek tu demak. Anu ira ku demak nu nimanima, caay kaw mamariwasak, u mamabalud amin kamu satu.

Sisa , u tarudu’ mahaen tu patinaku tu sakay balud nu nikapapadang, ita  satu u tamdaw a maanen a caay kapapadang, kabalud ku demak atu wayway i tini i hekal nu saka’urip hakiya, kayhan caay tu kaburesak a malasawad ku niyaru’ atu serangawan nu rayray nu mita u misa Pangcahay, i tina bangcalay a ka’uripan a kidakit hakiya.

以五指爭論誰最重要為主題，大拇指、食指、中指、無名指與小指各自提出自己的優點，爭當「老大」。最終由老師們擔任裁判，指出五指唯有團結合作、缺一不可，才能發揮最大的力量。文章以寓言形式傳達團結與分工合作的重要性。