朗聲四起

Yuruma u cacay a suwal nu mita, anu malesitudung i balucu’ dengay a masumad ku ’urip nu tamdaw. Anu siruma sananay a palakapahay a suwal i, dengay a matengteng ku caayay ka tatudung a wawa, a malamicidekay a malatarakaway ku ’urip nira, hacuwaay hakiya ku kilemel nira suwal, u mabana’ay a mitengi a tamdaw kiyaru ku mabana’ay.

Na iti:ya ira kiya mabana’ay a kapah, mangalay cira a malamabana’ay, awaay ku makademecay, makacabiay nu nimanima i ciraan. Mangalay cira a malakakabana’an nu tamtamdaw a Ke-siyi-ciya. Maanen naca mitaelib tu pinaay hakiya a mihecaan, sulinay mikikapah cira i tawan. Ira bana’ nira caacaay tu kacakat, sisa mabiyaraw tu cira. Tuya cacay a remiad tayra cira a mikilim tu Bun-sang a mipalita.

Tuna mahaen suwal han nira Bun-sang cira:“a talalutuk kita hantu, tangasa kita i tungruh nu lutuk, tiya mabana’ tu kisu.”

Tu cila satu a remi’ad, sulinay rarutu tu ku heni a micakat tira lutukan, itiya lutukan adihay ku tumeli’ay a bekeluh saka’ulahan sa. I matini papisapuden nira Bun-sang cira, tiya ka’ulahanay a bekeluh. Pinaru han i nibaba a kaway, caay katenes matumes tu kira kaway, sabaeket saan, caay tu pakababa. Ngaliwngiw satu a semuwal “ Caay tu pakababa, a maanen a tangasa i tungruh satu, i matini cacacaay tu kananuwanu:wang aca. Tawa sa kira Bun-sang a misu’auyaw . «A maan han tu saw ? » paca’ub satu : a sawad han a pateli haw? ” Tuna mahaen tanutawa satu kira Bun-sang a palita “ Kiya caay sawad han a pateli mamaan?”

Mapaaw a makatengil kira kapah, araw tangesulsa i balucu’ nira kiya suwal a mapacekil, ta sakalamkamsa a miaray tiya Bun-sangan a miliyas a rarutu. Tuna mahaen sabalucu’ satu cira a minanam tu kangalayan nira a demak, sulinay besuc satu kira ni nanam a maherek a mademak. sisa u tamdaw anu tahaw saan a misabalucu’ tu saherekaw a demak, sakilemel han a palecacay tu nananaman, akaa katalikul besuc han a miherek, u matiniay a nipinanam , awaay tu ku makaduduay, ku makacabi’ay tu bana’ nu misu . kay a dihay ku nikabana’an tu masamaanay a benek nu tu’as.

講述一位年輕人追求知識與成功的故事。他原本想在各方面超越他人，卻發現自己進步緩慢。向大師求教後，透過登山與撿石頭的比喻，他領悟到：想要達成目標，必須捨棄不必要的負擔，專注一個方向。從此他專心學問，進步神速。文章傳達「專注目標、堅持努力」才能登上人生高峰的道理。