朗聲四起

U nipilian nu mita a taletangic a tayni i hekal. U maan sananay hakiya a tayni i hekal, hadasi saan a pabana’a sinaripaan. Niripa tu saayaway a lawat, u malingatuay tu kita i pa’uripan a sidemak. Dudu satu nikalasawad nu remi`ad, adihay ku narakatan tu masamaanay a lipahakay, kararumanay atu nikapapadang tu ma:an, iratu amin ku narakatan, ira tanengalay atu tu`emanay, u tireng tu kiyari ku tapang a sidemak. U narakatan nu tamdaw caay kalecad, kadayum, caay yaca kaw mamarakat, ira ku micidekay, kalihalawanay, kararumanay, tu remiremi`ad. Caay kanca piseking i titaan,  caay kaw mamaliwaliw. Matiya u liyal sibali, silaying, sulecadsa atu saka’urip nu tamdaw, anu sidemak su`ayaw han, melawi kira wayway nu malatamdaway atu miherikay tu demak amin. U sakakapah, u sakacakat nu nika`urip, caay kaw dadayumen, awaay ku caay hen pisakilemel, caay hen kasitanang, tuwa! iratu ku kapahay a ’urip. Anu caay kalemed caay kaw raecus nu tiring, aka`a piliblib kasisuwal, pipuelac tu cimaan. Su`elinay anu caay kita pitaneng a misakilemel, saremi`adsa a ngaluwngiw a miedis, mahaenay caay tu kiyari katengteng i suta nu ditaditaan, sisa anu caay pisu`ayaw tu demak a miherek , awaay ku mipadangay, itiya a makamelaw tu tanengalay nu kutem atu misuayaw tu tanengalay a cidal.

Ira kiya mabana’ay a misurit tu kungku atu pasubana’ay ci 海倫凱勒han ku ngangan, nay sabaw siwa hen nu bulad a nisubuc cira. pihaceng ku adada, i tiya a tatukian araw caay pakatengil, pakamelaw, awaay aca ku ngiha a semuwal, mahaen tu kurawacu. Nika ca:ay tu katingangil pisawad a misakilemel a ma’urip. Ira nisu`ayaw nira a ’urip mangeru’, caay kalemed. Caay katalaw pangangeric sa tu wadis a misu`ayaw tu caayay kadayum a demak, u dadudu’en nita kira kilemel. Ira nikaduka atu macucukay a balucu’ i, dengaytu a kapah ku na’uripan, sisa a maanen nu mita a caay pisakilemel a mangalay tu kapahay a saka’urip. U tataleayaw a rakat, a sakilemel han nita a palawat, a caay pilimek. A maanen a patanengal tu saka’urip. A malingatu tu kita a palawat, a sinikerid tu sapabana’ tu wawa, kayhan mamelaw tu nu nimanima ku nademakan nu mita.

人生充滿挑戰與困難，但成功來自於勇敢面對與解決問題。文中以海倫凱勒為例，說明即使身心遭受重創，只要堅強樂觀，也能活得精彩。失敗不能歸咎於命運，藉口與逃避只會讓人停滯。鼓勵人們懷抱理想，積極行動，為人生留下有意義的足跡。