朗聲四起

I adidik hen, mangalay a minanam a remakat, ira ku kalang, u kakayatan a karireng nu maku, tangasa saan mabana’ a remakat, araw balic han tu tuluay ku muli a batikar, mahaen tangasa sa matu’as. I tiya hacuwaay hakiya, niya cacay a kasubucan nu mihecaan nu maku. Sipicakay nu wama kaku tu ka’imu’ay a batikar, u lipahak nu balucu’, malekal kaku a ira  ku batikar nu tireng. Lingatu nu maku a minanam tira batikar, sawayay kapetan henay nu wama i lalikul nu batikar, tu sakacaay katalaw nu maku a minanam a midakaw, tuna mahaen, sakilemel sa a mikapet tu handulu’, ira ni sakilemel nu kuku a pacuna tu muli tiya rakar saan, suwal sa ku wama pasuayawi ku mata a mimelaw. Tuna mahaen takudul talesasa, sani: remakat, sani: masatuku, mahaen sacudacudaysa a minanam, caay:tu kabana’, kina pinaay tu hakiya ku nipinanam. Aruw sawad hantu ni ama ku kamay nira, caay tu pisaciwiciwi ku nipidakaw tu batikar sa a mimelaw, tuna mahaen araw mabana’ a mibatikar, maraaymaraay tu ku nipibatikar, i matini salipahak saku balucu’. I matini mabukilay hen kaku a miciwi, mabukil aca a maepud, tu namahaen araw mapabalah kaku a matulu’. I matini suwal satu ci ama nu maku, minanam tu batikar a caay katalaw a matulu’, kinapina a matulu’ araw kapah ku nibatikar satu. Suelinay ku suwal nu wama caay paceba.

yu rumasatu sawaden ku kamay a mibatikar, tanu tuwasa i lalan. Dungdung sa tira bangcalay a kakarayan a misamelamelaw, masidasi:daytu ku kalihalawanay a demak salipahaksa ku balucu’, suelinay anu patalikulen ku remiad i matini, hacuwaay hakiya ku kapah.

Ma’ulah kaku a mibatikar, sisa pangangan hanaku kira batikar ci-- Ce-lung han. Makasimsim tira nikalecabi a mibatikar, i tiya dadahalay a lalan, matiya i aayaw tu a melawan, sisa tangasa i tini, makasimsim tu kaku tiya batikaran, bahalsa a mangalay a midakaw waca tu batikar. U sakacaay kaw kapawanan nu maku kira nipinanam atu nikatulu’ , atu nipasubana’ a mikapet i lalikuk nu batiker, a mipadang a misacudacuday a mangalay a mibatikar nu wawa nira, wa cima ku mabana’ay tu balucu’ nu wama hakiya.

從小學走路開始，經歷了使用螃蟹車、三輪車到擁有第一台屬於自己的紫色腳踏車「Ce-lung」的過程。剛學騎腳踏車時，爸爸在旁協助，經過多次跌倒才掌握平衡與技巧。之後與朋友常相約騎車遊玩，享受沿途風景與騎車樂趣，留下深刻的童年回憶。腳踏車承載著成長的經歷與美好時光，令人難以忘懷。