朗聲四起

nokakoa am amian so miyaven do vahey, no mahep a ka abo no vazey da am, teymakey sira mangey do keysakan a ma’noo.

am makong paro ta o nirotongan no mavakes a kanen da am, akmi to ngapereh do ararow. “a sino o ya todey ngaon so ko nirotongan ang?” koan no onowned na. mowney am “a ikong, a ya manoyong saon ya!” koan no mavakes. “ana ya da nipangaonan o kanen ta, nokomowan am isezez ta pala do ararow.” koan na do mhakay na ipisa do ararow, maseyrem am micicinda o mavakes a amrotong do kanen da, madengdeng rana am mangey ma’noo sira. midedna sira do keysakan am apia o kasisibo da, to sia makacita so arako a alimango, ow! mazavak ya” masarey sira omrakep sia a kozongen do karey. nokanang am ji sia nimakapia maneysavat, ta mina to sia na ngoli. apen da o alimango a pakateyngatoen do nimadengdeng a kanen da a toongen, kangey da rana mitkeh mowney am mamizing da o somdep a makapia mangey mangaon do kanen da, to da na mizing, “nga… nga… ikongo ya manongit do vanga ya, nga… nga.” no ipamingit na o lima na am, karaherahet na mapingetem so lima na a songiten no alimango ang. “awalay ima ko! nga nga ji mo nongita o lima ko.” koan no anito ori. mamizing nomavakes am, “ta ori a imo ri o ya mangaongaon do kanen namen.” am mi da citaen, “ta sinosino ka ya”. koan da.

mamizing no anito sira miyaven do vahey a macizezyak jia am, “o ya mian so tao!” koan no onowned na, ori to na vozcina o lima na a makowbot, “key, a imo ya mangey mangaongaon do kanen namen mo kabagbag.” koan da mangey omaong sia. to da maciloloi mi na rakpen no mahakey am, asio do masari a mahep so ji da makacitai so anito. apnezak rana a mayokey sira am, macita da do tozantehed o misongi a vevyas. macimindan nokanang ka abo rana no mangey mangaon do kanen da.

no mian so masapa no tao do pongso a marahet a vazavavey nokakoa am, mamimin a patolinen da do anito, so pasalahan da so karoan no ciring da no mizezyak a tao, ipatak da mamizing no ji acita so moing a anito, akman so no ipanci o as aka vahey a koman am, ipanci o “ya tana mapaob”, no mamizing no anito am, ji makasngen do kaniahey na toda paobi; “no ji pa sala o ciring am, mangey na zaposen o kanen no anito,” koan no rarakeh nokakoa, ori o ikeyng no velek.

從前，有一對夫婦喜歡在晚上去海邊抓螃蟹，然而不知為何，每天鍋內煮熟的飯，總是會少了些。

晚上，妻子提早煮飯，煮好後夫妻倆又去海邊抓螃蟹，他們捉了一個大的alimango，立刻抓進網袋裡，然後開心的回家。

他們將alimango放在煮好的飯上面，一會兒，他們聽到輕輕的腳步聲，接著是一聲慘叫聲：

「好痛！是什麼東西在咬啊？」

當貪吃鬼的手要收起來時，鍋內的alimango就越緊咬住他。

「阿喲喂！別再咬我的手了！」「原來是你這個貪吃鬼專門偷吃我們的飯。」夫妻緊追打算跑走的貪吃鬼，先生向前去抓，但是黑夜裡看不清楚。到了早上，他們發現屋簷下交叉狀的掃把，從那時候起，偷吃食物的事就沒有再發生了。

過去，如果族人遭逢人生不好的遭遇，都會歸咎於魔鬼身上，因此，有些話不明說，以免被鬼聽見。例如要請家人吃飯時，會說：「我們要開槍了。」鬼聽到就不敢靠近，若直白說，鬼就會去摸家人要吃的食物，使人肚子痛的原因，這是以前的老人說的。