朗聲四起

tisun a ku Malailaing! ulja su alangi aku aljak, tu napupicul a sivarungan a patje kemljang tua naparut aravac a caucau; ulja narakac a kicacevungan, nu nakipaquliqulid sa secevung tua siselapai, ulja inika namasudram, nu nadjemalim tua kakemudain anga, ulja kamayan a namitatekuan a nasulapelj.

kiqaung aken tu su alangen a ku aljak, sa inika kinemnem a makavavavan saka neka nu sivala a kipusengsengan. tjiaku timadju tu sikeljangan tjanusun, saka nakemljang uta a kisumadju, aicu avan a paqiladj a kasizuanan nua kaqulidan a kinljangan.

inuli aken a kiqaung, tu su tjiaken timadju tu inika nasaljinga tu na suljivaljivatj, nasarunguanguaq sakamaya, nu izua kipaula, tua pazangal a kakemudain anga penuljat, ulja kitulu ta nasekakezeng sakamaya itua pasecevucevung a maru raljiz anga a siselapay, sakitulu ta saleljeselj tuazua na sadjelung a varung na caucau.

kiqaung aken tu su alang a ku aljak, tu namacingki a sivarungan, napaljeceg sa natjemaljiqaca tua sikinemneman; saka maqati timadju a pitjaisangas tua semekaulj tua zuma, ulja izua picul nimadju a makadjadjas tua varung a kisumadju; sa inika draudraven a pinacalivat ka sicuayan a kinitulu a patjemamiling.

pai nu nagemaugaw anga timadju taicu aku sinikiqaung, ulja su pagaugavan timadju tu nasemaceqaceqalj tua varung, mavan nu masa kipapuljat tua kisamulja, sa selapai timadju.

kiqaung aken tu su pagaugavan timadju tua namitatekuan a varung, a kaqulidan a puvarungan izua levalevan, a kaqulidan a picul mapacun tu izua a sulapeljan.

pai nu tja supuin a kigalju sa sinikipuvarung a vincikan a masa aljak a uqaljai, mapacun azua kiljivak katua sanpazangal tua aljak nua kama.

主啊！求你塑造我的兒子，使他夠堅強到能認識自己，夠勇敢，仍保持謙遜溫和。懇求塑造我的兒子，不至空有幻想；引導他認識你，同時又知道，認識自己乃是真知識的基石。我祈禱，願你引導他不求安逸、舒適，學習在風暴中挺身站立，學會憐恤那些在重壓之下失敗的人。求你塑造我的兒子，心地清潔，目標遠大。懇求賜他謙卑，使他永遠牢記，真偉大中的平凡，真智慧中的開明、溫柔。如此，我這作父親的，才敢低聲說：「我沒有虛度生。」