朗聲四起

izua za macidilj a caucau, pacun tua ita a neka nu djapalj a karang. ljakua matu inika maculjaculja. samalji aravac timadju tusa pinacunan “ a neka nu djapalj a karang, kemuda saka maqati a kemim tua sikavaljut i cemcemel? ” aya. manu pacun timadju tua cumai a natemangepac tu ita a sizi a mekekelj a pasatjaimadju. pai aicu a cumai pakakirarimurimuin a kema tazua vuculj nua sizi sa vaik, pai azua karang sevalit a semazua a kikan tua tjezatjezanga a vutjulj nua sizi, pai sa kavetu anga. ka sikadrusa qadaw, pacun uta tua namaya tua sitiyavan a kinudan. a imanu namaya tucu a sikavetuvetu nua karang, avan a marka tjezatjeza a vutjulj. pai kinemenem azua a caucau tu neka nu tjaparavac tua picul nua naqemati a cemas, pacunu sinipennetj anga sa karang tu kanen a ljemita ta sikanan.

saka nu nakipaqulid aken a masalu ta cemas, tjara ini aken a mavarurng tua ku kanen tua ku tekalen aya. pai kemasizua azua caucau a iniyanga ka karakuda iniangaka kipusengesengan, amin anga a kemaljavaljava tu pagaugavan ta kakanen na naqemati a cemas.

cemalivat anga a pida a qadaw, inika pinavayan tu anema nua naqemati a cemas, a marka qali a kasusu neka uta nu namangetjez a kisasusu tjaimadju, sa kavililj anga pecuqelaqelalj anga timadju tua kinamariljay.

ka inianga ka temezetezeng ta culjan timadju, izua za ljingaw a kemasi ta papatjavangan a djeljep a mayatucu “ timun a caucau! makuda nu namaya mun tua likuljaw a izua siniputjeza a kakanen tua zuma a caucau, a kumaya namaya mun tua karang a kikaljavaljava ta qaliqali, a tjakaljavaljava tua tjezatjeza nua zuma? ”aya.

a ti izua picul sedjaljep a kisamulja sa pazekatj tua timaimanga, nakuya izua kikaljavaljava tua sinipaula a pakan nua qaliqali. a puvarung a caucau kisamulja a kipapuljat a karakuda sa manguaq tiamadju.

有個人看到狐狸沒有腿，沒有腿的狐狸怎麽捕到食物？此時，他看見一隻獅子叼了食物過來，匆忙地吞食後離去，狐狸立即吃掉餘下的碎肉，也填飽了饑腸。這景象又重復了一次。狐狸每天靠這些碎肉來養活自己的。這個人想沒有腿的狐狸都可以頓頓飽餐，我肯定也不愁吃喝。於是，這個人從此後什麽事也不做，等著造物主安排食物。好多天過去，造物主沒給他一粒米，親戚朋友也沒有誰來問過他。有能力就要奮力，不要坐享其成等待他人的恩賞。