朗聲四起

nisan wayan ryax hani ga, kyala s’ka byacing ryax asa ga, mss’li kwara nku nbkis ki ba sa inlungan na alang myan, niya pkkayan utux yuwaw nku gaga na phaw, ana ga rema naha wayan swalan minplawa yuwaw ni yata Yarim la. pin’yuwan simuw yuwaw na hani hiya ga, kyan utux yata mu lalu nya ga Yarim. rema wayan sali s’uli hiya la, ru mtyun tugan kayan nya ku misuw ryax hani, payat ttekuy la’i nya ru niya miru sku pkba’an biru kwara naha uzi. kyala magan kayan ryax wayan hasa, ye’igiy m’buk nya s’yung m’umah ru memaw mbetux hi nya ku bays nya, nanu asa lru ’ngyat nya s’yung, pyanga sa yenga balay wayan mhu’in la. nanu aring asa lga, ungat balay kba’an nya mlahang lla’i nya ru pyanga sa mbetux s’yung kinyanux nya. ungat tayan muwah rmaw hiya, ana bbay nya na pila nku pkba’an biru ga, ini nya thyaziy may uzi, sne’an balay ku kinyanux nya ki!

bsya balay llungun nku yata hasa lru; ’siy binah sali kinhulan nya mngilis maha, mwana ggalan tcyahaw sku kinhulan nya. nanu maha kani ku yuwaw asa ru mss’li kwara ku nbkis hhalan naha pkkayan, ru wayan naha swalan lku pin’uha nya. s’agan gaga na Tayan hiya ga, siki musa su muwak utux bewak, ru siki musa myanux nanak binah rrgyax, ini pgluw ki yaba yaya nya myanux, niwan hhalan su phaw utux nni’an ru alang nki ungat lku ya’ih na behuy ma.

gaga kikung slali nku ita Tayan hiya ga, mutuw kahun pinsswayan na yaba yaya, sinwalan na yaba yaya lga, blay mgluw ru ms’utux na tnuxan la, ye’igiy la’i tmalung hani ga m’ilang balay ru lokah balay mnbuw uwaw uzi. bsya mgluw myanux lga kmsawgan nya llaxan ru pgyaran nya, niwan kahun sku binhlan na pinkyalan ru pinsswayan nku sazing sali na yaba yaya, lunga sa ini ba’iy phngyang nanak na inlungan ru kengun naha smyuk ku kay yaba yaya uzi, nanu iy rngu nya siy kat abay mgluw, ima ba sa pisa ryax ’nki nya nku sali s’uli hasa lpi.

ryax wayan asa ga, sungun ini nya ba’iy balay mgluw myanux la, lunga sa mt’alax laha la. maras alang tomuk ku yaba yaya nya muwah pkkayan yuwaw nku hani. slyutux nya la’i knerin, musa phaw sku yuwaw na utux atu rhyan ru utux bewak niwan pcbilan na yuwaw hani.

姑姑Yarim有4個在求學的小孩，經常付不出孩子們的學雜費，決定回到娘家請求協助以便有依靠。長老們聚會討論准許她的請求，但是要殺一頭豬，並且要另外住在他處。

傳統婚姻是雙方父母親同意就可成為夫妻。有一個非常的能幹的女孩，經過父母親的安排後結了婚。對方是懶惰又愛喝酒的人，但因為不敢違抗父母親忍氣吞聲，最後她還是離開，對方的父母親就帶著部落的頭目及耆老來談事情。她的父母親為了女兒，只好用一塊土地及一隻豬為賠償。