朗聲四起

kasicuayan, izua drusa a qadaw i kavulungan, nu maledjep a ita, minequt a kitjaivililj aza ita qadaw aya. avan nusika neka nu qezemezemetj tuazua, masasuilja a minequt aza drusa qadaw, tjuruvu a lumamad a namadrasi sa pacay. izua za macidilj a kama, namacay ta drasiyan a aljak a lumamadanan. madudu aravac timadju, manu masipanaq, sa pasitjukez tu pida veljiyutan a vaqu, a sinipakelay ta calinga. sevaljen a macidilj a aljak a uqaljay, vaik a pasakacedas pasakivalet ta qadaw. kapasusangas ta vaik, temalem tu taqapuluan a tjiyanes i kacasavan, sa qaqivui a cemekeljan, “ nu meqaca sa vangalj a tjiyanes, tjara ken a tjumaq. ” aya.

aza maraljak ika makeljang tu pacalivat anga tu pida caviljan, sa meqacanga aza aljak a uqaljay. a tjinekulj a gadu iniya masupuanga tu pidanga puluqan a gaduan, izua kaita qadaw, secevung ta qadaw i qeljuqeljuan ta ljinaviya a umaq, kipakirimu a penanaq ta qadaw, mapanaq a ita maca na qadaw, tjakeben ta lima aza namapasaqetju a maca, sa djadjasan azua tailj a lima tuazua maraljak. masirumaljiyan a kivadaq a qadaw, “ aku nu panaqen aken? ” aya, tevelayin nazua kama, “ ayatua su drasiyen sakapacay a mareka nia aljak a lumamad, avan nu nia sikipavalet tjanusun. ” aya, azua qadaw minanesi sa masipaulan a qivu, “ manu ika mun a paqenetjanga ta ku siqeljingan tjanumun, na kipaparangez mun ta nu kemudanga tjanuaken, iniya nu pavavala pumaljimalji, avan nu sikadrasi sa pacayanga nu aljek, timun a nakidjaulj taicu a paulaan! ” kalemadenga ta kai na qadaw,paqulid aya aza maraljak, malap ta kava sa djuasi a maca na qadaw sa pudjavai.

以前有兩個太陽而沒有黑夜，許多嬰兒被曬死。一位嬰兒的父親帶兒子往東找太陽報仇，出發前種一棵橘樹，對家人說：「等這棵樹結果，我一定會回來。」他們射中之後，太陽變成月亮，要他們月圓時祭拜，穀物會豐收，給了雞和小米種子，讓雞報時、小米用來祭祀。太陽：「我每月底出現，會帶走一個人，你們要休息五天，禁甜鹹禁酒以示哀悼。」父子回到部落後向族人說明太陽交待的事。往後，布農族便遵行此例。