朗聲四起

izua za taitailj a kula a ciya. ui, tu neka nu kula, ljakua nu tja pacunan na qedjeljem, matu inika namauram ta kakanen, nua za sikudan. sa na samalji aravac azua timadju a napacun, aza neka nu kula a ciya aku makaya a djemameq tua kanen? Aya. manu pacunan a likuljaw a natemangepac tua ita sizi a mekekelj a pasa tjaimadju. ka makalemimequ sa makakan ta sizi, vaik anga a likuljaw, aza ciya mangtjez sa kani a pinutjezan a vutjulj, sa kavetu anga timadju.

kasikapusalj a qadaw, mumalj a kitjavililj ta likuljaw sa kitjeza uta, aza ciya avan cu a tjezatjeza a vutjulj a sikavaljuwaljut nimadju. aicu a caucau na samalji aravac kapacun timadju, kinemenem timadju tu ui angata nu siniyalang na naqemati a tja Cemas inika tja sikakuda a paqulid! ayatua sinikinemenem a ciya na naqemati tu mavetu a ljemita tu sikanan nimadju. saka nu kivauvalj aken taicu a ciya sake kipaqulid a masalu ta Cemas, katu kipaparangez ta na veneqac ta i kacauan a kacemasan, tjara ikaken a uri maculja maqusaw aya pivarung.

saka kemasi zuanga timadju a ika pukaui anga a karakuda a kipusalima, nakiparu lalangaw anga a nasetjaqem sakamaya ita kinaizuanan, ika garavagavagaw anga, kemaljavaljava tu sipadjulu ta kakanen na Cemas. cemalivat anga pida qadaw, ika temezeng anga ta culjaan timadju, izua za lingaw a kemasi djeljep ta pucemasan, maitucu a qivu “ timun a caucau! ” makuda mun a pacuwal ta likuljaw a izua siputjeza a kakanen tua zuma a nasemeturud, aku pacuwal mun tazua taitailj a kula a ciya vaivaik a kitjeza tu kanen?aya. nu izau nupicul makuda kisamulja mun a kemarim tu nu kanen, samaqati uta sun a izua su sipangalj ta zuma a caucau a nasemeturud. nakuya na qemiladj a kitjakaljava tu sikiljivak tu pakanan na qaliqali.

有人看見一隻沒有腿的狐狸，看上去油光水滑，好像不愁吃食。狐狸每天靠碎肉餘食養活自己。看到的人驚訝不已，想到真主偉大無比．對沒有腿的狐狸都安排了頓頓飽餐，只要堅信真主，肯定不愁吃喝，於是，什麽事也不幹，等著真主給他安排食物。

一連多天，瘦成皮包骨，餓得就要受不了時，傳出一個聲音：「你應像雄獅有餘食給別人吃，爲什麽像狐狸一樣食人剩餘？」有能力、有志之人自己勞苦使生活舒適安逸，無志之人，才仰仗他人。