朗聲四起

nu mangetjez aken i tjumaq, semangasaken a palimasudj a rematjumaqan a saliman. aza i pulaulangan a namaqudruqudr, aza semuap ta makasintan ta i pulaulauzan a cemel, aza semudrasi ta vinaivai a itung; sa nu makacipilj angaken, ku pangapangaljen a remukuz a semeqetj a pasazua tua niamen a taramacidjicidjilj a papuitungan.

izua ka makatalj, namasu cacayingan a ku itung, tuluwan aken ni kina tu kemuda pucacaingan a semuvava tua itung. nu patagilj tjasi padjuredjur ta djawum (ljigim) azua kala(alay), aicu a sikudan mavanazua patalayip aya, nu makapatalayip anga venucung anga ta kala(alay), sa makayanga itjen a cemaqis ta cacayingan.

nu masusaliman ti kina, patideq a malang ta kinacalisiyanan a ravaravain. talidu aken tjai kina nu malalang tua kinacalisianan, aza vincikan mavan a pinaruvulung. kumaya tu naqedjeljem saka nguaq aravac? samalji a ken! sa ku kivadaqi ti kina, kimakaya tuluwan aken? masilevan ti kina a nanguaq aya! gata izua ku sitjumalj tjanusun, aicu a vinecikan izua sakamaya a sinanpatarevan, peniliq itjen ta sikadjaljemedjeman nua tja nasi a vecik, ika tjen a penumaya a venecik tua tja vinarungan, izua tja sipaqalayan tua tja mamazangiljan tua tja kakudan, aya ti kina. u! manukemuda ayaken. sika aza ku cacavu, mavan nu ku kinicaquwanan tjai kina.

makaya a tja pataud tua puk, makaya tja pakesan tua samaq tua rindraridr, nu makesanga maljiyan a saluman! matu kikemuda satja kani ai sauniuni! ini, ini galjuanan! maya mapurepur aya ti vuvu. nu semusu itjen ta sicuayan a kakudan, tja kinalingulinguljan a pairuk a tacekeljan nu keman itjen. nu kemizing masiaq a semuqayaw ta zuma, amin i qayaw tjanusun a tja kizingen, aya ti vuvu; katua tja pisangasen a paqilad a vavuluvulungan a pitua tja kakudan aya.

每天放學回來，會先幫忙把家事做好。掉了釦子，媽媽教我如何穿針引線，把線打個結，把釦子縫上去。媽媽會抽空製作傳統服飾，刺繡是蝴蝶的圖紋。我問媽媽，是否可以教我？媽媽說圖紋都有意義，要選擇自己的身分階級，不能隨意，要尊重部落領袖、維護原有的部落傳統價值。

有天，我試著煮小米粥，拿起木槳杓在鍋子中翻攪，避免燒焦。加入樹豆、野萵苣、地瓜葉，特別香！奶奶提醒要依循傳統習慣，吃飯時，要讓老人家先上座才能開動。