朗聲四起

tisun a na’emati, pay! ulja su ’inati a kualjak a u’aljay, tu nacalje’il a sikudan a patje kemeljang tua lumeljakan a sikudan nimadju, “ ulja narakac a kicevungan tua rekutjan, nu nakipa’ulid sa seljekuya a kinipusengesengan, tjara ika uri masuram, nu namalaing namasusu a sinikarakudan, ulja kamayan a nakinangua’ a nakitatekuan. ”

ki’aungaken tjanusun, ulja su tiniak a cemiur timadju tu inika kikavulj tu naseljengua’ tu nasace’alj. nu tja cepeliven a kinemenem, nuri secevung tua nasemadjelung, napenazangal a paljavakan, ulja kica’uan a migacalj nu kicevungan tua maru raljiz a selapayan, sa ulja izua salimesiman katu kipavala tua tiamadju a namitemezengan a ki’adi’adilj tua selapayan a cawcau.

pay! ’atiu a kualjak a u’aljay, tu namasenav a vinarungan, naljimecek sa tjemalji’aca a kininemeneman. sa nuri semekaulj ta ’ali’ali, ulja napakasangas a kemeljang tu kemuda nangua’ a sivaikan nimadju a menacidjiljan; sa inikangata dremaudrav tua pinacalivalivat a pinasalivan, ulja namakaya auta a tjemalji’aca sa lemadru’an tua djalan nu tiav nu sikatjelu nimadju.

nu napasusu a kini’aung a penuljat nimadju, uri kikavuljanan a ken, tu pavayan ta ca’uan a ljemikayan, ulja makaya a kitjumaljiyan sa nazemangal a sikipakakudan, sa ika napalangetjav a ki’aung tjaimadju a macidjilj.

pay lja! ulja su pagaugavan ta kitatekuan, ulja napa’enetj a palalautang, a pita ka’ulidan nua puvaruvarung itua sikarakudanan. a pita ka’ulidan a ca’uan itua namacelak a kinemeneman, a pita ka’ulidan a pupicul itua sulapeljan a vinarungan. nu maitazuaanga, tiaken a namasan kama, temuruangaken a pagalju a ’ivu tu “ mapu’ata a kukinaikacauanan. ”

nu tja supuin a gemalju satje kinemenemi a pivarung, aicu a sinan vecik ta aljak, makeljang aravac a kiljivak katu puzangalan ta aljak a u’aljay. sa timadju tjaljavavavan a kinisanesivitayan a namaligu i kacauan, lima vitju’an a nagaliljegilj ita ’avan, ’au siki’eljing ta cemas a aljak a papupicul a papuvarung. ulja tjapacuali a kiljivak ta tja aljak, palemek a tjakisamulja sa tjanangua’ a tja aljak a mapuljat.

主啊！求你塑造我的兒子，使他夠堅強到能認識自己的軟弱；夠勇敢到能面對懼怕；在失敗中，毫不氣餒；在勝利中，仍保持謙遜溫和。學習在風暴中挺身站立，學會憐恤那些在重壓之下失敗的人。求你塑造我的兒子，心地清潔，目標遠大；使他在指揮別人之前，先懂得駕馭自己；永不忘記過去的教訓，又能伸展入未來的理想。懇求賜他謙卑，使他永遠記牢，真偉大中的平凡，真智慧中的開明， 真勇氣中的溫柔。如此，我這作父親的我沒有虛度此生。