朗聲四起

izua macidilj a mamazangiljan, tjenglai aravac a mitung tua vaquan a babulabulai a itung. izua madrusa a kemasi tjuzuma a qinaljan mangtjez a pasemalaw tu maqati amalang tua tjaljabulayan tua kana itung anga, nasaljinga tu kitan a pakaliyaw tua mamazangiljan.

pai sipadjulu tiyamadju tua uri kazuanan a masengseng. sa qivu tiamadju, “ mamazangiljan, a nguljungulju a inika pumaca a caucau, inika uri maka pacun tusa makaliljaw. ” azua madrusa ka namalap anga tua valjitjuq (pakiyau), malevaleva sa kakan sa teketekel. ka penuljat anga ta valjitjuq (pakiyau), cemikel anga a mikarakudan tiyamadju.

tucu a qadaw, mangetjengetjez azua mamazangiljan kata madrusa a sasekauljan nimadju a pacun tu kemudakudanga a sengsengan. ka pacun tiyamadju tua zua madrusa sepurepurer, ljakua neka nu mapacucun a nema i pavavaw tua kikai, ljakua inika temuru a qivu tiayamadju.

iniana cuacuai, pasemalaw a mamazangiljan tu uri djaravac timadju a makaqinaljan, sa papacun tua vaquan a itung nimadju.

pai tazua qadaw pinakialalangan a tjinvavavan nua mamazangiljan. ljakua a timanga a na pacun tua mamazangiljan, napasasamalji sakamayan, ljakua neka nu temuru a galugulugu, ayatua a timaimangan pinaka amin timadju a macidilj nu inika makapacucun tua itung a vaquan nua mamazangiljan. kapacun azua mamazangiljan tua taqaljaqaljan pasatja maleva, sa kinemnemnem timadju, aicu a ku sikataqaljan tjara namintjus tua kinabulai nua ku itung, avan a sika namatjatjuka namangalj a napasasamalji aya!

ka vaivaik tiamadju idjalan, manu izua za kakedriyan a mezangal a qivu “ ha ha ha! ini kana mitung a mamazangiljan! ” aya. kames isauniuni a angalj nua kina nazua kakedriyan, ljakua linangedan anga nua mamazangiljan aicu a kai. matjalaw aravac a masa siyaqan a mamazangiljan. ljakua kinemnem timadju tu kudain a na kisiyaq anga ken, tjamanguq a mimaulavan aken aya.

pai kemasizua a mamazangiljan, amin a kakedriyan nu temuru a qivu tua paquliqulid, sedjaljep a tjapacualan a maseqetjan nua kakedriyan.

有個國王，嗜好穿新衣服。兩個鄉下人打算好好大撈一筆，欺騙國王。他們說：「陛下，只有聰明人或有鑑賞力的人可以穿我們的衣服。」鄉下人在織布機邊操作，但沒有出現東西，大家嚇了一大跳，以為自己眼花，國王什麼也沒看到，卻不敢問。不久，國王決定辦遊行來炫耀，自著穿著看不見的新衣，突然有小孩說：「國王沒有穿衣服！」母親連忙阻止，但已被國王聽見。國王得到教訓，只有小孩子才會說實話，人們應好好的學習孩子們的誠實。