朗聲四起

Saw nii ka pnatas kari rudan, “ Utux Barw o bnegay na kana seejiq ka tama ni bubu, iyux na powda hnigan dha ni mha pkmalu uuda ni lnglungan ka lqian, kiya do tduwa mangal smbliqan  paah Tuxan Baraw ka rudan. ” msa.

Ita Truku sbiyaw o snaw ka pusu erut kingal ruwan sapah. ana saw kiya o asi ka mrmun ni mdrumut ni psbila lnglungan ka hiya uri, kika mha thiyi bi hyaan ka kuyuh na ni lqian na uri. Kiya ni mstrung dha kyuhan na ka risaw nii ni wada maatama da, yasa hiya ka maapusu stmaan sapah da hki,kana djiyun ni kana qpahun ni kana uuda sapah o ida tama ka pusu stamaun.

Niqan kingal seejiq rnngaw tama mu, Talan Wili ka hangan na ni emptgsa ka qpahan na, yaa bi empusal tru hngkwasan na siida, mstrung dha kingal seejiq bi wauwa, Away Sudu ka hangan na, babaw wada mstrung ni maa kingal mddungus do spruun balay qmita mniq ska alang ka dhiya nii. Yaasa mdrumut balay tmgsa laqi empatas ka Talan nii ni mmkay bi sapah ka kuyuh na Away uri. Kiya ni ungat bi klaan, babaw 10 hngkawas siida ka pnstrngan dha do mnarux ni wada plealay msangay ka kuyuh na Away da. Talan nii o mtrul tru hngkwasan na ni tru ka laqi rbnaw dngaun na,naqih bi kuxul na siida ka Talan nii, ana saw kiya o tru laqi na o smdalih bi hyaan ni pkmalu kuxul hyaan kana. Babaw smka hngkawas wada ka kuyuh na skAway dga, malu hari lnbglungan na ka Talan nii da.

Kiya do Talan nii o ida mdka saw kndsan na seuxal, mdrumut balay musa ptasan ni tmgsa laqimatas, duri ni malax ptasan do miyah sapah psramal mhapuy uqun laqi duri. saw kiya ka uuda Talan nii o wada na ppaan ka qpahun tmaan ni buan, kiya ni spruun balay qmita mniq ska alang ka Talan nii.

“ Saw ka malu lnglungan ni euda ka seejiq o, ida niqan paru bi brihan na hici. ” msa pgkla knan ka rudan mu. Yaasa Talan nii o ida smkingal bi kyuhan na skAway, aji uri o qmlahang bi qmita lqian ni ppatas bi lqian na uri, bitaq wada matas paru ptasan ka tru laqi na, kingal o mha maamsapuh, 1 duri o maamptgsa, rahuq na 1 do maamtabug.. Ana bi rabang ka Talan Wili wada balay bi maahnigan tama ka hiya! Ana smtrung mqraqil o ida mrmun bi ni smtama Utux Barw, bitaq niqan bi brihan ka kndsan na ni sapah na. tai saw mha murug endaan na ka ita hici uri wah!

太魯閣族的傳統觀念中，男人是家中的支柱，當男子結婚為人父，他的角色與重擔就不同，家中的經濟來源、生活事務都仰賴他。

老人家說了一個為人父的故事。Talan Wili的妻子是Away sudu。他是一位認真的老師，師母平日顧家，是一對為人稱羨的夫妻。結婚10年後，妻子因病離世，但他們還有3個年幼的女兒。

無助的Talan Wili開始怪罪上帝，甚至有輕生的念頭。但他的3個女兒很貼心，學生、教會的弟兄姊妹，都不斷安慰他。妻子往生後半年，Talan Wili比較能夠面對現實，心裡踏實許多。他跟以前一樣教學，放學後，做飯給女兒吃。父兼母職使他成為部落的學習楷模。

Talan Wili經歷過人生最低潮，但他永不放棄，堅守信仰。讓我們共同學習他的經歷吧！