朗聲四起

Maiza dadusa a maitac’an qabas, tupa’un tu Tiang ca tuqas, tupa’un tu Talum ca nauba, aza’aza macicial matamasaz ca hubung nai. Madungdung ca is’ang it Tiang, maca Talum a maqalinga ma’ivalu ca hinuzangan.

Madaingazin ca liskada’as tat’acang. Anaqat pismantuk ca bunun tu asat muqnang minqailaz is liskada’an. Haiza ca tupatu cia Talum ca maqtu minliskada’an, haiza ca asat Tiang i madungdung ca is’ang macial ca hinuzangan cia.

Qaitu nitu manahip ca is’ang it Talum, pismantuk acia tu, ciangka matamasaz a, kuacuna nitu cia ca minliskada’an? tupa’un cia kat tuqas icia tu, “ paluntan tat’i cima ca nanu mataiklac matamasaz ”!

Maca taimi tas’a, asatu maqtu mabuqac is lukic, maca Talum a pinahanun cia micqang mabuqac ca lukic, maatu ciin Tiang a, munhan a cias maii is lukic tudaing luklac, pinahanun cia lamis is lukic malabut matungqaz, mantan manahip ca bunun kalipapaqpaq. Maca taimidusa a, mingkaun an lukic, maca na ingkaunan nai ka lukic a, pucngausanin maqusqus is simal babu. Cia Talum ca mungaus mingkaun, tis’uni maqsain ca lukic a, muqalqal at Talum, maca Tiang a, maku’uni ka cias kuskus mingkaun, malulu kat Talum tu lavai’an acia ha musbai tungqabin.

Tupa kat Talum tu, “ mulu’ang na, kilimang azak is kakaunun ”. sadu ka cias mantan manau’az a lakda, siza’un cia islanglang is hubung, minmanau’az ca hubung icia, mantan manahip sala. Mucuqaisin acia ha maldadauk masabaq at tuqas, siza acias qucung isqusqus is hubung it tuqas. Maatu mingkailacin at Tiang a, tingquza sadut Talum tu mimanau’az sala ca hubung icia, sadus inak’anak a hubung tu matustaqdung mu’hazin han balang ciin ima ca madauqlac. Munhan haul na madanav a, ni’in maqtu padanavun ca hubung inai. Minkatudiip ni’in anai mucuqais mun’acang, iha’anin libus miqumic. Min’uni tumaz at Tiang , min’uni huknav at Talum. Ni anai maqtu aluskunan miqumic, maupa’i kapisingus huknav ca tumaz.

部落要推舉新統帥。有族人認為Tiang較適合成為統帥。Talum心裡不悅，提議說要比賽。第一是折斷樹木。Talum抱住樹幹折斷樹木。Tiang則吼叫一聲樹便倒下。第二是爬被塗一層油的樹，Talum搶先，但很快就掉下。Tiang用指甲抓住樹幹慢慢爬。Talum終究輸了，數日都不回家，Tiang至山上尋找，在山洞找到弟弟。Talum外出時在路上看到花紋的石頭就往身上搓，身體就有了花紋。而他用木炭塗黑Tiang全身。Tiang醒來後看到自己全身黑，只剩胸前是白的。他變成黑熊，Talum變成雲豹。