朗聲四起

Ukais nanu sinluc’as Bunun maca nakitngaa kuzakuza, qaitu maca nakilim is nakukuzaun a dalaq a asat sanaciat dailaz. Maca muc’qa sadus ivut haan iica tu dalaq mintasal naniitu maqtu kukuzaun ca dalaq aiza, amin maca saduus ivut minaha’an tavanan muntanvili ha, naniitu maqtu amin kukuzaun ca dalaq aiza.

Ma ata Bunun maca kitngaa kilim is nakukuzaun a dalaq , masamu qalmang qalmang kackukua sana is’ang kilim is na dangian kuzakuza, asatu sanaciat sintasaq a bahi maca maiza ca maitasaq is macial tasaq a kitlumaq, natudipin kilim is dalaq dangian kuzakuza, maca tupin ca maitasaq a bunun aiza tu iica ca dalaq nakukuzaun a, nani’in maqtu qalmang mananava is duma a dalaq. Maca macial ca sintasaq a bahi, namaqtuin munhan dalaq aiza kuzakuza. Qaitu asat niitu samu saduus ivut ciin luqai maca munhan nakukuzaun a dalaq aiza sauha’an mucuqaisin mulumaq, sintupadau ca maupati tu na ciin ta ca dalaq kukuzaun.

Maca kitngaa kuzakuza haan painava’an a dalaq, asatu mukuciat lukic matas’is na’iskukuza ka mama’az, ni’ang maqtu mukuciat kavung ciin tangaa kukuza. Maca cinukau’an a mama’az magnki a niitu maqtu qalmangun matakunav, maupa’i maca luc’anin is piningzav is nakukuzaun a dalaq, na’uskunun masumsum piningzav amin ca mama’az mangki.

Maca napistabas muut ciin lukic haan nakukuzaun a dalaq, asat mu’haz muc’an mapatuc is sapuz namistabin, masamu mucqu ca sapuz, maupa’i maca mucqa mucqu ca sapuz a nanu na niitu mincia ca sinkukuza haan dalaq dii.

Maca madadaingaz qabas ca nakitngaa kukuza ha, sanacia kat nais sintaqu diqanin a taiklac kuzakuza, maupa’i mapising at nai pandadus sincicilis is diqanin, anaqat madia sala ca matusamu ka sinkukuza haan sin’iqumic bunun qabas.

開墾季沒有既定的祭典，找農地耕作的程序是踏勘的人遇見蛇，那塊地就不能砍伐，看見蛇由右向左移動，那塊地也不能夠砍伐。

農地踏勘是按照夢兆者行事。若夢兆不好，不能隨便墾拓農地。若夢兆很好，就帶夥伴到農地去踏勘，若沒有見著蛇和鳥，就完成農地踏勘工作。

墾拓農地時，使用木製Y型農具整地，不能使用鋤頭和鐮刀。這些使用過的農具不能隨意丟棄，要等到農地潔淨祭時拿出來一起祭拜。

從前生火最忌諱火點不著，點火柴時禁忌熄火，因為農地的農作物會受寒，就沒有收成。

從前的先人們開墾農地，有許多禁忌。