朗聲四起

Itira tora takaraway a lotok ko loma’ iso sa kiso, itira i tatihi no ’alo hanako. itira ira ko takara:way a kilang sa kiso, ira itini ko calascas sanay a nanom hanako. Hai, o matiniay ko niyaro’ niyam. Kawanan sa tomekeng sa tomireng ko takaraway a lotok, kawili i, mato mangodoay lilis sanay to riyar a lotok, itini awa’ay ko  intoc no  kaysiya, awa  ko fafoliciliciw  sanay a  paliding, awa  ko samiyamiyat sanay a dawdaw, awa ko malaliyangay marawraway a soni. Tada masaniyaro’ no Pangcah, pakaomaomahan ko mimingay a lalan, taengad ko likat no folad no fo’is to dadaya ato ka diaiheko ko nika awa no soni, nengneng han ko potal mato nicokaan ledef sa ko nika fangcal no omaomahan.

Cecay miheca cacorok sa ko palapatan, kacanglahan mikangkang, kaciherangan mikolas,laloodan mipanay, kasienawan mina’ang to kinayra, o palapalaan malalifelifet to a palosiyan to nika tedil no kasasiromaroma no pinangan.

Kacanglahan-- itini i omaomahan mato o riyar ko cora’ no dateng sa kaliyalaw sa ko cengel, fafoliciliciw sa ko ’odal ato ’adipangpang a maefer i fafaed, awaay to ko tatinakoan to nika fangcal a manengneng.

Laloodan-- sakaliyalaw sa ko widawidan no panay a malofic, to’or sa to fali a misata’ota’ong a matedil manengneng, todongay to makadofahay tona mihecaan.

Kasienawan-- malalifet to kafangcal ko masamaanay pinafalod a palatamdawan a ’asisiw, o wawa sa misacikacikay a malawla , mala’aning, ira ko mitodohay to konga.

Ano ira ko faliyos i, cingra ko sa’ayaway mitena’ to fali ato mi’ading to ’orad, ano marawraw ko faloco’ ato rarima ko tatirengan no tamdamdaw, malokatayaraan a milohak pisalamaan a pahanhan cingra.

matiniay a talihocan a mato’as kami, saka nano to’as matini ko pinangan niyam o Pangcah, mapakafana’ nira kami a miolah tona hekal, milimela to kinaira, maa’isa’isal to lipahak, caayay ka a’ised ko tamdaw, pakafana’en niyam ko kasarayray no teloc a milimela toni makoracay a pala­­ - saikoran no lotok

這是我們的故鄉，右為中央山脈，左為海岸山脈，沒有工廠煙囪、車水馬龍，卻有鄉村部落、田園小徑，處處充滿田園之美。

四季交替，春耕、夏耘、秋收、冬藏，大地展現不同風貌。

春天—田園裡一片油菜花海，蜂蝶穿梭其間，美不勝收。夏天—綠油油稻田裡，農人們汗珠雨下。秋天—稻穗結實累累，隨風搖曳，象徵著豐收。冬天—各種稻草人爭奇鬥艷，孩童四處奔跑、嬉戲，還有烘窯。