朗聲四起

kinuxan rali’ laha ci micuw ga, ini’ bah mintana’. ho’ ga, ana’ micuw lu rali’ ga mahukil rumanga’ lu pasaṟit ci ule’ ka yaya’ yaba’. a’ixul naha sababale’ murkes lu mulu’ ci ramas na pumahun ka ule’. rali, murkes ka ule’ malikuṟ laga, si’usa’ naha’ saṟe’ ci kanel la. ana naha aṟat kisli’ ka malikuṟ lu kanel ga, utux ke’ naka nabkis laga, as ka magal ci kanel lu musa’ ci malikuṟ la.

pungan kumaṟal ka yaki’ alang, papuson ci malikuṟ ka ule’ kanel laga, minlu ini’ soṟal musa’ ci malikuṟ ka ule’ kanel ga, sipabaxiy naha ci ule’ malikur. nanu sumoral musa’ ci malikuṟ ka ule’ kanel. rali’ sun masuṟe’ hiya’ ga, sikayotas naha’ matox. mamaha’ saṟe’ ga mara’aras kora’ raral. maras ci gilung si’usa’ umuma’ ci ka moṟow na kanel. payux la sinnanan ga kaca ka sun naha’ pupila’ rali’.

yonani ka insa’ naka pupila’ haṟi hiya’. masasoṟal ka nanabkis naha’ laga, makakaṟal ci kanon ka mpagicik la. mpagicik ci kaca hang ga, bale’ kumaṟal ka yaba’ na kanel hang “ana utux atu’ ka raxal kay! maha’ sa’ing haṟi’ ka wanux naniu’n na raral wa!” ma. masu’ kumaṟal laga kani ka magagicik la. nanu minabu’ ci ṟe’ yotas laga, kumaṟal luri ka yaba’ naka kanel “ paceli’ moṟow mu utux ingkaṟalan ka yama’ hang gilagan mu mumaṟah tikiy hang” maka yaba’.

utux ingkaṟalan waṟal angṟat mumaṟah ka yama’ laga kumaṟal luṟi. “yama’, anak su’ musa’ moṟow ni’ yaba’ su’ la! aras ka Yabung mu hani lu aras ka ge’as na wanux uṟi. hali papuhuṟaw, baliyi malahang ka moṟow su’ lu ṟahka’ su’ .”

ho’ ga, aṟat yonani’ kinramasan kora’ ka sun masuṟe’ uṟi. kumaṟal ka yaki’ alang, rali’ ga, moh saṟe’ ka malikuṟ laga sumoṟal ka nabkis la ma. ruma’ ga yugun tikiy ci tepeh, pinah, gilung lu haṟung. kelan nak ka as usa’ mahngali’ moṟow ci kanel uṟi ma, ye ungat nak caṟung ka anamol ni’? maku mapapase’ makaṟal ka yayaki’ .

ana ta’ aṟat inohan ka kinnuxan rali’. minlu’ i ita’ rima’ mararili’ ci   kisli’ tanak lu wal ta’ naha’ patahlun pusa’ ci malikuṟ ga, maha kito’ ka kinṟakahan ka kisli’ ta’? hala ta’ as ungangah ka ita’ aṟ? ini’ pintana’ ka insa’ rali’ laha ci micuw la. kelan ka kisli’ naha’ laga, ini’ na’ ci ke’ na nabkis naga, rasun naha’ paktox ci nabkis moṟow la. sa’aring micuw, hita sunyotas matox ci sun masure’ hani ka ule’ minubah.

過去對於「求婚」這件事，要召集許多的親友幫忙，求婚的過程是在雙方父母同意婚事後，先訂婚。但在訂婚前女方的父親就先開口說：我們要「一塊地」、還要「兩頭牛」宴請親友。女方的父親說完了這些話，就開始籌備訂婚事宜，結婚後，女方的父親就將女婿留在女方幫忙農事一、二年！

看到女婿非常努力，女方的父親會讓女婿帶著女兒和一頭牛回家，但時代變了，只要有了喜歡的人，孩子就會帶自己的男、女朋友回家介紹給家人，和以前不同！