朗聲四起

kinuxan rali’ laha’ ci micuw ga, ini’ bah mintana’. ho’ ga ana’ micuw lu rali’ ga mahukil rumanga’ lu pasarit ci ule’ ka yaya’ yaba’. a’ixul naha’ sababale’ murkes lu mulu’ ci ramas na pumahun ka ule’. rali, murkes ka ule’malikuṟ laga, si’usa’ naha’ saṟe’ ci kanel ka ule’ malikuṟ la, ci kaca ga, ana naha aṟat kisli’ ka malikuṟ lu kanel ga, utux ke’ naka nabkis laga as ka magal ci kanel lu musa’ ci malikuṟ la.

pungan kumaṟal ka yaki’ alang; minlu’ puson ci malikuṟ ka ule’ kanel, moka ini’ pung ci ke’ ni’ yaba’ yaya’ ma ga, sipabaxiy naha’ ci na’utux, aṟat ga yaya’ yaba’ nak ka maxiy uṟi. rali’ sun masuṟe’ hiya’ ga, sikayotas naha’ matox. mamaha’ saṟe’ ga mara’aras kora’ raral. maras ci gilung si’usa’ umuma’ ci ka moṟow na kanel. payux la sinnanan ga kaca ka sun naha’ pupila’ rali’.

yonani ka insa’ naka pupila’ haṟi hiya’. masasoṟal ka nanabkis naha’ laga, makakaṟal ci kanon ka mpagicik la. mpagicik ci kaca hang ga, bale’ kumaṟal ka yaba’ na kanel hang; ana utux atu’ ka raxal kay! maha’ sa’ing haṟi’ka wanux naniu’n na raral wa! ma. masu’ kumaṟal laga kani ka magagicik la. nanu minabu’ ci ṟe’ yotas la ga, kumaṟal ka yaba’ na kanel la, paceli’ moṟow mu utux ingkaṟalan ka yama’ hang maka yaba’. gilagan mu mumaṟah tikiy hang maka yaba’.

hoga’ aṟat yonani’ kinramasan kora’ ka sun masuṟe’ uṟi. kumaṟal ka yaki’ alang ; rali’ ga, moh saṟe’ ka malikuṟ laga sumoṟal ka nabkis la ma. ruma’ ga yugun tikiy ci tepeh, pinah, gilung lu haṟung . kelan nak ka as usa’ mapanga’ ci moṟow uṟi ma, ye ungat nak caṟung ka anamol ni’? maku mapapase’ makaṟal ka yayaki’ .

ana ta’ aṟat mistuw ci ka kinnuxan rali’. minlu’ i ita’ ka rima’ kelen na kisli’ lu, wal ta’ naha’ patahlun pusa’ ci malikuṟ ga, maha’ kito’ ka kinṟakahan ka kisli’ ta’? hala ta’ as ungangah ka ita’ aṟ? ini’ pintana’ ka insa’ rali’ laha ci micuw la. kelan ka kisli’ naha’ la ga, ini’ na’ ci ke’ na nabkis na ga, rasun naha’ paktox ci moṟow la. sa’aring micuw, hita sunyotas matox ci sun masure’ hani ka ule’ minubah.

過去對於「求婚」這件事，要召集許多的親朋好友來幫忙，帶著雞、鴨、小米酒過去以示誠意，養越多的牲畜就代表著他是有錢人。

求婚的過程是在雙方父母同意婚事後，就先訂婚，有錢的人求婚時，在雙方父母同意這門婚事後會先訂婚，但在訂婚前女方的父親就先開口說：我們要「一塊地」、還要「兩頭牛」宴請親朋好友。女方的父親說完了這些話，就開始籌備訂婚事宜，結婚後，女方的父親又會對男方的父母說：請把女婿留在我家一年！讓他陪我工作。

時代變了，只要有了中意的人，孩子帶回家給父母看，這是現代和以前的不同！衷心的希望做父母，能很理性的看待、處理每件事，為了有個被祝福的婚姻和美好的生活，不管是小孩或父母，大家一起努力，讓所有的事都有圓滿的結局。