朗聲四起

kora’ insa’ mu salahaw ga, nanak matumasu’ lunpuw patas cika kosyaw ini’ mu bah ṟungiy. patumasu’ haṟi lunpuw ci kaca ga, sababilak min sunli’ tikiy ci pila’ a’usa’ min salahaw. rasun mini’ salahaw tagacak na wacilung ka sinsi’ min. kaca ka sun naha’ alang na Tao.

alang naTao. aṟat mu insalan kinlalayan. ci’uli’ ima’ kora’ ka cel maki’ ki? amol ka ni’un naha? ya wal kelan na kaca ka sun ucyux yaba’ pakat? mamaha’ ci kaca galeng ni’ ga, bale’ cu yona ṟungiy mastitaṟil ma’as maṟuy. yocuna nel nak tupanga’ ci amol mulaka’ kaṟal bawi’ ka kisli’ mu.

pasaring min hikoki’ bawi’ matox hugal ga, talagay kinwasti’ ka wacilung taxan! ini’ mu bah ṟungiy ka linlungan mu ci kaca, ma’as lu mingkux! wal wal sunsebeh raxal mulaka’ ka hikoki’ ga, yona as agal ci kisli’ mu. mintana’ cika hahalan salahaw na ci’uli’ ṟaṟulu’ sinbale’ ci manamis sasalahgan.

matata’ cika kakistagan na hikoki’, makilux caṟung ka kaṟal ki. bale’ nel mana’ caminan ka ṟaṟulu’ pa’ars musa’ tehuk cika a’abelan min. kaca ka moṟow hahalan mabel na ci’uli’ paṟigaw. silahlah ni ki kora’ ka angaya’ min. wasti’ na wacilung ga nel as aki’ caṟung raṟes min taxan. bale’ min tupanga’ ci otobay mati’uṟit ṟumigaw cika alang hani.

musa’ min matox cika moṟow sun cel raxal ṟik. matox ci ṟaṟuy naha’ lu gagaṟux naha’. tumalang min mani’ ci cehuṟ naha’ lu ucyux pulaka’. musa’ min syaw na wacilung salahaw ci use’. kunlakah ci uṟati’ lu buna’iy ki. luṟi ga malukus min ci lukus na a’usa’ maṟuk lumanguy use ṟik. makmugane’ min tupanga’ ci ṟaṟulu’ mukura’ cika hahalan min lumanguy.

maha ta’ lumanguy maṟuk use’ ṟik la! yo min nani mingaha’ malawa’. ma’as min makaṟal ci a’usa’ min kira’ haṟi’. tehuk min laga, yona masurung haṟi’ ka kaṟal ong! ini’ katasi’ haṟi’ ka use’ wacilung uṟi. utux ci taxan haṟi’ ruma’ ka manyuyuk na ucyux na wa!

yo min nani mapapase’ masalahaw. ana min tin_git kasangun na sinsi’, ho’ ga, kora’ insa’ hani ga, nel as aki tunux mu nanu micuw. yonani mamicuw wal ka mak sa’ing rex lu utux bangi’ ingki’ ki. sungagiy min cika alang na Tao tehuk min alang Taytong. ini’ mu bah ṟungiy ka raragex na alang Tao ki lu malalahaw na ci’uli’ ki.

小學那年我們存了錢，老師帶我們去外島旅遊，那年我們去了蘭嶼，一個我所未知的島嶼。我們搭著小飛機往窗戶外看那片汪洋大海，既驚訝又好奇的感覺令我難忘，飛機緩緩下降就像坐著雲霄飛車那樣的驚呼快感。出了機場，我們開始了環島之旅。

參觀過地下屋、看過達悟族的舞蹈與文化、踏過沙灘、玩過海水、踩過岩石，這趟旅行給我們的回憶最寶貴。我們就這樣過了兩天一夜，依依不捨的告別了這塊小寶島。