朗聲四起

O kamay no tamdaw tosaay, i kamay limaay ko tarodo’, makakomod a nimaamaan, malacecay haca ko ’icel, awaay ko kafokilan nangra to dademak, cecay ko kapal limaay ko tarodo’, malacecay kona tarodo’ a dademak, nga’ayay ko pimaamaan. Ira ko cecay a romi’ad, malaliyaliyang kona lalimaay a tarodo’, o cima ko sakakaay no mita? papisayfangen nangra ko i ka’ayaway a singsi a mipili’ to tadamaa:nay a tarodo’?

Miki’ayaw ko salita’ang a somowal, mapangangan kako to salita’ang i, kako to ko sakakaay. Ano palita’ang kita to cima cima a tamdaw i, cowa kaeca kao salita’ang ko mipasadakan no mita haw? O nga’ayay, o idahiay a milekal? Mansa kao kako to ko sakakaay o tadamaanay a tarodo’

Doedo sako satoro’ a somowal, cowa ka hatira yo? nengnengen namo, ano sakatalacowa’aw kita anca mitoro’ to maan i, talacowa cowa kaeca ko satoro’ ko mipasadakan saw? mansa kako ko sakakaay, kako ko saidahiay, saan ko satoro’.

Somowal to ko sakiyot, aka to kalaliyaliyang kita, tata matatiritiri’ kita o cima ko saki’edaway ko tarodo’? nga’ mahapinang o cima ko sakakaay no mita.

Saikolay to, o salieming to ko caciyaway, ano mimimiming ko tatirengan no mako i, ano matatelek ko tamdaw to demak i, cowa ka’eca ka mipasadak to saliemin a makakawit, todong to pihayda no faloco’, sowalen hena, cowa ko kako ko kakalimelaan saw?

Maherek to malaliyaliyang cangra i, mahecad to ko pisayfang noya singsingsi, papimetmeten ningra kona lalima a tarodo’, itiya to a mafana’ to kona tarodo’ to tadamaan nangra. Tatiih a awa ko cecay, deng o mapapatadotado nga’ masacecay ko ’icel, mapatokel ko ’icel. Saka saheto o kakalimelaan kona tarodo’. Deng o kakasiwatiwatid aca nangra a dademak.

以五根手指爭論誰最重要為開頭，透過擬人化的方式，展現每根手指的獨特價值與功能。大拇指象徵讚美，食指用來指引，中指因為最長自認最強，無名指象徵婚姻，小指代表承諾。最後由裁判作出結論：唯有五指團結合作，握成拳頭，才能展現真正的力量。文章強調團結合作、彼此尊重的重要性，傳達了每個人都有不同的角色與價值，缺一不可。