朗聲四起

Kaemang ho minanam romakat, ira ko masa o kalangay a paliding, mafana’ to romakat, falicen to toloay a kalileng, macakat ko mihecaan, patelong ci ama to masaloloay a tangsa, ira to ko niyah a tingsa . Hay cato papayci citingsa nga’ay mionto to tiring, ano sakatalacowacowa satingsa han.

O tingsa hananay i, o ’icel no tamdaw ko sapiparakat, o o’o’ ko sapicokih nga’, marireng ko karireng no tingsa. Ano talacowacowa a miholol citingsa, cowa to papayci mikalic to paso, nga’ay haca miyatayat to tireng. O roma sato, ano mimaamaan to i, caloway to a talacowacowa, saka tadamao:lah kako tona tingsa.

Maharateng koya demak itiya ho, ya mihatatanam kako a citingsa i, patado ko wama a midama to kaikor no tingsa, “ Damaen ko hantolo, sa’icelen a micokih ko taripa’an ” sa, “ aka pasayra i laeno minengneng, nengnengen ko ka’ayaw, ” saan. Caho caho romakat, sawni sawni tomerep, kinapinapi:na ko pinanam, halafin to nga’, sawad han to no wama ko kamay ningra, mafana’ to kako parakat to tingsa, nga’ay nga’ay to ko pitatingsa no mako, maraay maraay to ko rakat no mako, toyanan toi, salipahak sa ko harateng a mahemek ko faloco’ ako.

Maolah tona tingsa kako, ci Celong hananay ako a pangangan. Maharateng ho ako koya pisasatingsa ako iti:ya ho, hemek sako faloco’, cowa ko mamatawal ako kona demak. Tahini ko pitilid i, ci harateng sanay to kako to sakacitingsaaw.

回憶從學走路到學騎腳踏車的過程。小時候用螃蟹車學走路，後來換成三輪車，直到某年生日，爸爸送了他一台紫色腳踏車。初學騎腳踏車時，爸爸扶著後座，反覆練習後，終於掌握了平衡，但也因為不會轉彎而摔倒。爸爸告訴他，學騎車不要怕摔，跌倒是學習的一部分。隨著時間推移，開始和朋友競速、展示技巧，並在騎車時感受到自由與快樂。文章表達了對腳踏車的喜愛，並且透過回憶，強調學習過程中不怕失敗、勇於挑戰的重要性。