朗聲四起

Tosaay ko kamay no tamdaw. Ona kamay i, awaay ko kafokilan nira a dademak. Cecay ko kapal limaay ko tarodo’. Ano malacecay kona tarodo’ a dademak i, i:dahiayay ko nidemakan nira. Korira, yo cecay a romi’ad i, malaliyang kona lalimaay a tarodo’. O cima ita ko sakakaay? sanay ko kalaliyang nangra. Tahidangen nangra ko singsi a misinpang a mipili’ to cima ko sakakaay nangra.

Miki’ayaw ko salita’ang a somowal. Pangangan han kako to salita’ang i, kako to ko sakakaay. Ano mipalita’ang kita to cimaan i, cowa o salita’ang ko mipasadakan no mita saw? Halo nga’ayay, idahiyay sa a milekal i, cowa pipahadak kita to salita’ang? Mansaka o kako to ko sakakaay, o tadamaanay a tarodo’.

Doedo sa ko satoro’ a somowal. Cowa kahatira yo! Nengnengen iso. Ano sakatalacowaaw kita anca mitoro’ to maan i, cowa o satoro’ ko mipasadakan saw? Mansaka, kako ko sakaka:ay, kako ko saidahi:ay, saan koya satoro’ a rarodo’.

Somowal to ko sakiyot a tarodo’. Aka to kalaliyaliyang kita. Ati! Matatiritiri’ kita, cima no mita ko sati’daway, nga cipinang kita to sakakaay. Liyang sa a maketer ko takowatian a tarodo’. Sowal sa, ano tadamaanay kako saan ko sowal namo i, mana i tireng ako a mipakowati ko tamdaw? Mansa, o kako ko kakalimelaen, cowa to ko laliyangen kona demak.

Maherek to a malaliyaliyang kona lalimaay a tarodo’ i, mahecad ko pisinpang noya singsingsi. Papimetmeten nangra kona lalimaay a tarodo’. Itiya to a mafana’ kona tarodo’ to tadamaan nangra. Tatiih ano awa ko cecay nangra. Edeng o malapatadotado, nga masacecayay ko ’icel, mapatokeray ko faloco’. Saka saheto o kalimlaan kona tarodo’, cowa kaawa ko katadamaan no nima a tarodo’ a dademak.

以五根手指爭論誰最重要為開頭，透過擬人化的方式，展現每根手指的獨特價值與功能。大拇指象徵讚美，食指用來指引，中指因為最長自認最強，無名指象徵婚姻，小指代表承諾。最後由裁判作出結論：唯有五指團結合作，握成拳頭，才能展現真正的力量。文章強調團結合作、彼此尊重的重要性，傳達了每個人都有不同的角色與價值，缺一不可。