朗聲四起

“ Itini i ’akawangay a tokos ko kamaro’an ako, ” saan kiso.

“ Itini i katihi no ’alo ko kamaro’an no mako, ” han ako kiso.

“ Iraay ko ’akawangay a kilang itira, ” saan kiso.

“ Iraay ko tiloc sanay a nanom itini, ” han ako kiso.

“ Matengilay ako ko caciyaw no lotong, caceli’ no fafoy, ” saan kiso.

“ Matengilay ako ko ngiha’ no fao, piraradiw no ’ayam, ” han ako kiso.

Pasowal haca kiso, “ Ma’araway ako ko langdaway a kakarayan. ”

“ Manengnengay ako ko langdaway a riyal.” han ako kiso pacako.

Lalecad sa ko sowal ita, “ Makapahay ko panay, koheraay ko heci no losay itini, roma sato i, nga’ayay ko faloco’ no itiraay a tamdaw. ”

Hatiniay ko kakapah no niyaro’ niyam. I kaetip i, ira ko ’akawangany a tokos; i kawali i, o ’amerekay a tokos no pasawali. Awaay ko intoc no kofa itini, awaay aca ko tosiya i lalan, cowa ka ’aloman ko patiyamay, awaay ko kahadangan to laaw^away itini. Kaorira i, makapahay ko niyaro’ niyam, adihayay ko mamangay a lalalalan, ma:likatay ko folad, awaay ko masamaanay a ngiha’ to dadaya. Hatoya ’olic ato ya makapahay a micongaan ko kakapah no niyaro’ niyam. Itini toya sepatay a palapatan no mihecaan hananay i, ano o pikangkangan to, o pipalomaan to, o pipitpitan to, o pina’engan to i, kahirahira sa ko taliyok no omaomahan.

I lalood, ya sifaloay to kohelaay a dateng, malatayhiay to; mansa sakangdaw sa ko panay ma:kapah, o maomahay sa i, sasino’ot sa a maomah, tada o marora:yay to a maomahay ko mira.

I tiposan to i, towic sa ko heci no panay a mahepik, hato ya ekim ko kalikat nira, feliw han no fali i, samiyamiyat sa a matedi’, mipakitohay to kakapah no liomah.

Itini to i kasienawan i, o ’asisiw to ko ma’araway i omaomahan, misacikacikay, misatakotakod ko kaemangay, anca mitamekay to konga itira.

Pakafana’en nira kita a miolah to serayan, limela to kinaira, o kakalimelaen no mita kona nga’ayay a kaitiraan, o sarikoray a paseraan.

你說：「你住大山裡」。我說：「我住小溪旁」。

你說：「那裡有大樹」。我說：「這裡有流水」。

你說：「你聽得到猿聲豬吼」。我說：「我聽得到蟲鳴鳥叫」。

你又說：「你看得到蔚藍天空」。我也回答：「我看得到湛藍大海」。

我們都說：「還有綠油油的稻田、黃澄澄的果園以及純樸善良的人們」。

這是我們的故鄉，西邊是中央山脈，東邊是海岸山脈，這裡沒有複雜的環境。卻有鄉村寧靜的美好。景色如畫，充滿著田園之美。四季交替，大地爭奇鬥艷，展現不同的風貌。

夏天－油菜花變成了稻田，農人們汗珠雨下，備極辛勞。

秋天－金黃色的稻穗，隨風搖曳，象徵著豐收。

冬天－各式的稻草人爭奇鬥艷，孩童四處奔跑、嬉戲、烘窯。

它教會我們愛護大地、珍惜資源，我們要珍惜保護這片人間淨土－後山。